Zahe Sharf, Meharban Hain Kis Qadr Mire Hal Par Muhammad ﷺ

Zahe sharf, meharban hain kis qadr mire hal par Muhammad ﷺ

Lutain ashrafiyan rehmaton ki ghareeb aamaal par Muhammad ﷺ

Kabhi yahan ki kabhi wahan ki karain sadarhat woh do jahan ki

Dikhai detay hain farsh o arsh bareen ke pindal par Muhammad ﷺ

Hawain us se lipat ke jhoomen bulandiyan us ke paon choomen

Jo ik achatti nigah dalain kisi ke iqbal par Muhammad ﷺ

Lahoo badan ka gare zameen par shikan na aaye magar jabeen par

Ghanim jaan ke bhi dar rokein duain ki dhal par Muhammad ﷺ

Nazar jamal e huzoor dekhe to ek anboh e noor dekhe

Nisar har aik aaina aap ke khad o khaal par Muhammad ﷺ

Huwe jo meraaj ko rawana to ruk gayi gardish e zamana

Kise khabar sabah ke rahe markab mah o saal par Muhammad ﷺ

Karoon jo rozae ki khakroobi to rang laye ye kar e choobi

Azal ke din se kadha hua hai hayat ki shaal par Muhammad ﷺ

Na is jahan ko jawab doonga na us jahan mein hisaab doonga

Ke khud ko mein kharch kar raha hoon tumhare aqwal par Muhammad ﷺ

Ajeeb si pur sukoon lahrein wajood ke saahiloon pe thehrain

Darood bhejoon jo aap par aur aap ki aal par Muhammad ﷺ

Malaikah bhi mujhe Muzaffar pukar uthain ge raees e mahshar

Karein ge jis waqt apna saaya mujh aisay kangal par Muhammad ﷺ