Mustafa Jaan-e-rehmat Pe Lakhon Salaam

Mustafa Jaan-e-Rehmat Pe Lakhon Salaam

Shama-e-Bazm-e-Hidayat Pe Lakhon Salaam

Mehr-e-Charkh-e-Nabuwat Pe Roshan Durood

Gul-e-Bagh-e-Risalat Pe Lakhon Salaam

Shehryaar-e-Iram Tajdaar-e-Haram

Nau Bahar-e-Shafaat Pe Lakhon Salaam

Shab-e-Asra Ke Dulha Pe Daim Durood

Noshah-e-Bazm-e-Jannat Pe Lakhon Salaam

Arsh Ki Zeeb-o-Zeenat Pe Arshi Durood

Farsh Ki Tayyab-o-Nuzhat Pe Lakhon Salaam

Noor-e-Ain-e-Latafat Pe Altaf Durood

Zeeb-o-Zeen-e-Nazafat Pe Lakhon Salaam

Sarwanaz-e-Qadam Maghz-e-Raz-e-Hikam

Yakka Taaz-e-Fazeelat Pe Lakhon Salaam

Nuqta-e-Sirr-e-Wahdat Pe Yakta Durood

Markaz-e-Daur-e-Kasrat Pe Lakhon Salaam

Saahib-e-Raj'at-e-Shams Wa Shaqq-al-Qamar

Naib-e-Dast-e-Qudrat Pe Lakhon Salaam

Jis Ke Zair-e-Liwa Adam Wa Man Siwa

Us Sazaye-e-Siyadat Pe Lakhon Salaam

Arsh Ta Farsh Hai Jis Ke Zair-e-Nageen

Us Ki Qaahir Riyasat Pe Lakhon Salaam

Asl-e-Har Bood-o-Bahbood Tukhm-e-Wujood

Qasim-e-Kanz-e-Naimat Pe Lakhon Salaam

Fath-e-Bab-e-Nabuwat Pe Be-Had Durood

Khatm-e-Daur-e-Risalat Pe Lakhon Salaam

Sharq-e-Anwaar-e-Qudrat Pe Noori Durood

Fataq-e-Azhaar-e-Qurbat Pe Lakhon Salaam

Be Saheem Wa Qaseem Wa Adeel Wa Maseel

Jauhar-e-Fard-e-Izzat Pe Lakhon Salaam

Sirr-e-Ghaib-e-Hidayat Pe Ghaibi Durood

Itr-e-Jaib-e-Nihayat Pe Lakhon Salaam

Maah-e-Lahoot-e-Khalwat Pe Lakhon Durood

Shaah-e-Nasoot-e-Jalwat Pe Lakhon Salaam

Kanz-e-Har Be-Kas-o-Be-Nawa Pe Durood

Hirz-e-Har Rafta Taaqat Pe Lakhon Salaam

Partaw-e-Ism-e-Zaat-e-Ahad Pe Durood

Nuskha-e-Jameeyat Pe Lakhon Salaam

Matla-e-Har Saa’adat Pe As’ad Durood

Maqta-e-Har Siyadat Pe Lakhon Salaam

Khalq Ke Daadras Sab Ke Faryaadras

Kahf-e-Roz-e-Musibat Pe Lakhon Salaam

Mujh Se Be-Kas Ki Daulat Pe Lakhon Durood

Mujh Se Be-Bas Ki Quwwat Pe Lakhon Salaam

Shama-e-Bazm-e-Dana Hu Mein Gum Kun Ana

Sharh-e-Matn-e-Huwiyat Pe Lakhon Salaam

Intiha-e-Dowi Ibtida-e-Yaki

Jama-e-Tafreeq-o-Kasrat Pe Lakhon Salaam

Kasrat-e-Ba'd-e-Qillat Pe Aksar Durood

Izzat-e-Ba'd-e-Zillat Pe Lakhon Salaam

Rabb-e-A'la Ki Naimat Pe A'la Durood

Haq Ta'ala Ki Minnath Pe Lakhon Salaam

Hum Ghareebon Ke Aaqa Pe Be-Had Durood

Hum Faqeeron Ki Sarwat Pe Lakhon Salaam

Farhat-e-Jaan-e-Momin Pe Be-Had Durood

Ghaiz-e-Qalb-e-Zalalat Pe Lakhon Salaam

Sabab-e-Har Sabab Muntaha-e-Talab

Illat-e-Jumla Illat Pe Lakhon Salaam

Masdar-e-Mazhariyat Pe Azhar Durood

Mazhar-e-Masdariyat Pe Lakhon Salaam

Jis Ke Jalwe Se Murjhayi Kaliyan Khilen

Us Gul-e-Pak Manbat Pe Lakhon Salaam

Qad-e-Be-Saya Ke Saya-e-Merhamat

Zill-e-Mamdood-e-Rafat Pe Lakhon Salaam

Tairaan-e-Qudus Jis Ki Hain Qamariyan

Us Sahi Sarw Qamat Pe Lakhon Salaam

Wasf Jis Ka Hai Aaina-e-Haq Numa

Us Khuda-Saaz Tal'at Pe Lakhon Salaam

Jis Ke Aage Sar-e-Sarwaran Kham Rahen

Us Sar-e-Taj-e-Rif'at Pe Lakhon Salaam

Wo Karam Ki Ghata Gaisu-e-Mushk Sa

Lakka-e-Abr-e-Ra'fat Pe Lakhon Salaam

Lailatul Qadr Mein Matla'al Fajr-e-Haq

Maang Ki Istiqamat Pe Lakhon Salaam

Lakht-e-Lakht-e-Dil-e-Har Jigar Chaak Se

Shana Karne Ki Halat Pe Lakhon Salaam

Door-o-Nazdeek Ke Sunne Wale Wo Kaan

Kaan-e-La'l-e-Karamat Pe Lakhon Salaam

Chashma-e-Mehr Mein Mauj-e-Noor-e-Jalal

Us Rag-e-Hashimiyat Pe Lakhon Salaam

Jis Ke Maathe Pe Shafaat Ka Sehra Raha

Us Jabeen-e-Sa'adat Pe Lakhon Salaam

Jin Ke Sajde Ko Mehrab-e-Kaaba Jhuki

Un Bhuwon Ki Latafat Pe Lakhon Salaam

Un Ki Aankhon Pe Wo Saya Afgan Muzah

Zullah-e-Qasr-e-Rehmat Pe Lakhon Salaam

Ashkbaari-e-Muzgan Pe Barse Durood

Silk-e-Durr-e-Shafaat Pe Lakhon Salaam

Ma'ni-e-Qad Ra'a Maqsad-e-Ma Tagha

Nargis-e-Bagh-e-Qudrat Pe Lakhon Salaam

Jis Taraf Uth Gayi Dam Mein Dam Aagaya

Us Nigah-e-Inayat Pe Lakhon Salaam

Neechi Aankhon Ki Sharm-o-Haya Pe Durood

Oonchi Bini Ki Rif'at Pe Lakhon Salaam

Jin Ke Aage Chirag-e-Qamar Jhilmalaye

Un Izaaron Ki Tal'at Pe Lakhon Salaam

Un Ke Khad Ki Suhoolat Pe Be-Had Durood

Un Ke Qad Ki Rashaqat Pe Lakhon Salaam

Jis Se Tareek Dil Jagmagane Lage

Us Chamak Wali Rangat Pe Lakhon Salaam

Chaand Se Munh Pe Tabaan Darakhshan Durood

Namak Aageen Sabahat Pe Lakhon Salaam

Shabnam-e-Bagh-e-Haq Yani Rukh Ka Arq

Us Ki Sachchi Baraqat Pe Lakhon Salaam

Khat Ki Gard-e-Dahan Wo Dil Aara Phaban

Sabza-e-Nahr-e-Rehmat Pe Lakhon Salaam

Resh-e-Khush Moatadil Marham-e-Resh-e-Dil

Hala-e-Mah-e-Nudrat Pe Lakhon Salaam

Patli Patli Gul-e-Qudus Ki Patiyan

Un Labon Ki Nazakat Pe Lakhon Salaam

Wo Dahan Jis Ki Har Baat Wahy-e-Khuda

Chashma-e-Ilm-o-Hikmat Pe Lakhon Salaam

Jis Ke Pani Se Shadab Jaan-o-Jinan

Us Dahan Ki Tarawat Pe Lakhon Salaam

Jis Se Khari Kunvein Sheer-e-Jaan Bane

Us Zulal-e-Halawat Pe Lakhon Salaam

Wo Zuban Jis Ko Sab Kun Ki Kunji Kahen

Us Ki Nafiz Hukumat Pe Lakhon Salaam

Us Ki Pyari Fasahat Pe Behad Durood

Us Ki Dilkash Balaghat Pe Lakhon Salaam

Us Ki Baton Ki Lazzat Pe Lakhon Durood

Us Ke Khutbe Ki Haybat Pe Lakhon Salaam

Wo Dua Jis Ka Jowban Bahar-e-Qubool

Us Naseem-e-Ijabat Pe Lakhon Salaam

Jin Ke Guchche Se Lache Jharen Noor Ke

Un Sitareon Ki Nuzhat Pe Lakhon Salaam

Jis Ki Taskin Se Rote Hue Hans Paren

Us Tabassum Ki Aadat Pe Lakhon Salaam

Jis Mein Nahren Hain Sheer-o-Shakar Ki Rawan

Us Galay Ki Nazarat Pe Lakhon Salaam

Dosh Bar Dosh Hai Jin Se Shan-e-Sharaf

Aise Shanon Ki Shaukat Pe Lakhon Salaam

Hajar-e-Aswad-e-Kaaba-e-Jaan-o-Dil

Yani Mohar-e-Nabuwat Pe Lakhon Salaam

Roye Aaina-e-Ilm Pusht-e-Huzoor

Pushti-e-Qasr-e-Millat Pe Lakhon Salaam

Haath Jis Simt Utha Ghani Kar Diya

Mauj-e-Bahr-e-Samahat Pe Lakhon Salaam

Jis Ko Baar-e-Do Aalam Ki Parwa Nahi

Aise Bazoo Ki Quwwat Pe Lakhon Salaam

Kaaba-e-Deen-o-Iman Ke Donon Satoon

Saa'idayn-e-Risalat Pe Lakhon Salaam

Jis Ke Har Khat Mein Hai Mauj-e-Noor-e-Karam

Us Kaff-e-Bahr-e-Himmat Pe Lakhon Salaam

Noor Ke Chashme Lehrayein Darya Bahen

Ungliyon Ki Karamat Pe Lakhon Salaam

Eid-e-Mushkil Kushai Ke Chamke Hilal

Nakhunon Ki Bisharat Pe Lakhon Salaam

Rafa-e-Zikr-e-Jalalat Pe Arfa Durood

Sharh-e-Sadr-e-Sadarat Pe Lakhon Salaam

Dil Samajh Se Wara Hai Magar Yun Kahun

Guncha-e-Raz-e-Wahdat Pe Lakhon Salaam

Kal Jahan Mulk Aur Jau Ki Roti Ghiza

Us Shikam Ki Qana'at Pe Lakhon Salaam

Jo Ke Azm-e-Shafaat Pe Khench Kar Bandhi

Us Kamar Ki Himayat Pe Lakhon Salaam

Anbia Teh Karen Zano Un Ke Huzoor

Zanon Ki Wajahat Pe Lakhon Salaam

Saq-e-Asal-e-Qadam Shakh-e-Nakhl-e-Karam

Shama-e-Rah-e-Isabat Pe Lakhon Salaam

Khayi Quran Ne Khak-e-Guzar Ki Qasam

Us Kaf-e-Pa Ki Hurmat Pe Lakhon Salaam

Jis Sihani Ghari Chamka Taiba Ka Chaand

Us Dil Afroz Sa'at Pe Lakhon Salaam

Pehle Sajda Pe Roz-e-Azal Se Durood

Yadgari-e-Ummat Pe Lakhon Salaam

Zar-e-Shadab-o-Har Zar-e-Pur-Sheer Se

Barakat-e-Riz'at Pe Lakhon Salaam

Bhaiyon Ke Liye Tark Pistaan Karen

Doodh Peeton Ki Nisfat Pe Lakhon Salaam

Mahd-e-Wala Ki Qismat Pe Sada Durood

Burj-e-Mah-e-Risalat Pe Lakhon Salaam

Allah Allah Wo Bachpan Ki Phaban!

Us Khuda Bhati Soorat Pe Lakhon Salaam

Uthte Booton Ki Nash-o-Numa Pe Durood

Khilte Gunchon Ki Nukhat Pe Lakhon Salaam

Fazl-e-Paidaisi Pe Hamesha Durood

Khelne Se Karahat Pe Lakhon Salaam

I'tila-e-Jibillat Pe Aali Durood

I'tidal-e-Tawiyyat Pe Lakhon Salaam

Be Banawat Ada Pe Hazaar Durood

Be Takalluf Malahat Pe Lakhon Salaam

Bheeni Bheeni Mehak Pe Mehakti Durood

Pyari Pyari Nafasat Pe Lakhon Salaam

Meethi Meethi Ibarat Pe Sheereen Durood

Achi Achi Isharat Pe Lakhon Salaam

Seedhi Seedhi Rawish Pe Karoron Durood

Sadi Sadi Tabiyat Pe Lakhon Salaam

Roz-e-Garm-o-Shab-e-Teerah-o-Taar Mein

Koh-o-Sahra Ki Khalwat Pe Lakhon Salaam

Jis Ke Ghere Mein Hain Anbia-o-Malak

Us Jahangir-e-Ba'sat Pe Lakhon Salaam

Andhay Sheeshe Jhalak Jhalak Damakne Lage

Jalwa Rizi-e-Dawat Pe Lakhon Salaam

Lutf-e-Bedari-e-Shab Pe Behad Durood

Aalam-e-Khawab-e-Rahat Pe Lakhon Salaam

Khanda-e-Subh-e-Ishrat Pe Noori Durood

Girya-e-Abr-e-Rehmat Pe Lakhon Salaam

Narmi-e-Khoo-e-Lainat Pe Daim Durood

Garmi-e-Shaan-e-Satwat Pe Lakhon Salaam

Jis Ke Aage Khinchi Gardanen Jhuk Gayi

Us Khuda-dad Shaukat Pe Lakhon Salaam

Kis Ko Dekha Yeh Musa Se Poche Koi

Aankhon Walon Ki Himmat Pe Lakhon Salaam

Gard-e-Mah Dast-e-Anjum Mein Rakhshan Hilal

Badr Ki Dafaa-e-Zulmat Pe Lakhon Salaam

Shor-e-Takbeer Se Thartharati Zameen

Junbish-e-Jaish-e-Nusrat Pe Lakhon Salaam

Naraye-e-Dileeran Se Ban Goonjte

Gharish-e-Koos-e-Jurrat Pe Lakhon Salaam

Wo Chaqa-Chaq Khanjar Se Aati Sada

Mustafa Teri Saulat Pe Lakhon Salaam

Un Ke Aage Wo Hamza Ki Janbaziyan

Sher-e-Ghuran-e-Satwat Pe Lakhon Salaam

Al-Gharz Un Ke Har Mo Pe Lakhon Durood

Un Ki Har Kho-o-Khislat Pe Lakhon Salaam

Un Ke Har Naam-o-Nisbat Pe Naami Durood

Un Ke Har Waqt-o-Haalat Pe Lakhon Salaam

Un Ke Mola Ki Un Par Karoron Durood

Un Ke Ashab-o-Itrat Pe Lakhon Salaam

Parahaye-e-Suhuf Gunchahaye-e-Quds

Ahl-e-Bait-e-Nabuwat Pe Lakhon Salaam

Aab-e-Tatheer Se Jis Mein Poude Jame

Us Riaz-e-Najabat Pe Lakhon Salaam

Khoon-e-Khair-ur-Rusul Se Hai Jin Ka Khameer

Un Ki Be-Lauth Teenet Pe Lakhon Salaam

Us Batool Jigar Pare-e-Mustafa

Hujla-e-Ara-e-Iffat Pe Lakhon Salaam

Jis Ka Aanchal Na Dekha Mah-o-Mehr Ne

Us Rida-e-Nazahat Pe Lakhon Salaam

Sayyida Zahira Tayyiba Tahira

Jaan-e-Ahmad Ki Rahat Pe Lakhon Salaam

Hasan-e-Mujtaba Sayyid-ul-Askhiya

Rakib-e-Dosh-e-Izzat Pe Lakhon Salaam

Auj-e-Mehr-e-Huda Mauj-e-Bahr-e-Nada

Roo-e-Roo-e-Sakhawat Pe Lakhon Salaam

Shahd Khwar-e-Luab-e-Zaban-e-Nabi

Chashni Geer-e-Ismat Pe Lakhon Salaam

Us Shaheed-e-Bala Shah-e-Gulgoon Qaba

Be-Kas-e-Dasht-e-Ghurbat Pe Lakhon Salaam

Durr-e-Durj-e-Najaf Mehr-e-Burj-e-Sharaf

Rang-e-Roo-e-Shahadat Pe Lakhon Salaam

Ahl-e-Islam Ki Madaran-e-Shafeeq

Banwan-e-Taharat Pe Lakhon Salaam

Jilowgiyan-e-Bait-ush-Sharf Pe Durood

Parwgiyan-e-Iffat Pe Lakhon Salaam

Seema Pehli Maan Kahf-e-Aman-o-Aman

Haq Guzar-e-Rafaqat Pe Lakhon Salaam

Arsh Se Jis Pe Tasleem Nazil Hui

Us Sara-e-Salamat Pe Lakhon Salaam

Manzilun Min Qasab La Nasab La Sakhab

Aise Koshek Ki Zeenat Pe Lakhon Salaam

Bint-e-Siddiq Aaram-e-Jaan-e-Nabi

Us Harem-e-Bara'at Pe Lakhon Salaam

Yani Hai Sura-e-Noor Jin Ki Gawah

Un Ki Pur Noor Soorat Pe Lakhon Salaam

Jin Mein Ruh-ul-Quds Be Ijazat Na Jayen

Un Suradiq Ki Ismat Pe Lakhon Salaam

Shama-e-Taban Kashana-e-Ijtihad

Mufti-e-Chaar Millat Pe Lakhon Salaam

Jaan Nisaran-e-Badr-o-Uhud Pe Durood

Haq Guzaran-e-Baiyat Pe Lakhon Salaam

Wo Daso Jin Ko Jannat Ka Muzda Mila

Us Mubarak Jamaat Pe Lakhon Salaam

Khaas Us Sabiq-e-Sair-e-Qurb-e-Khuda

Awhad-e-Kamil-iyat Pe Lakhon Salaam

Saya-e-Mustafa Maya-e-Isstafa

Izz-o-Naz-e-Khilafat Pe Lakhon Salaam

Yani Us Afdal-ul-Khalq Baad-ur-Rusul

Sani-e-Isna Hijrat Pe Lakhon Salaam

Asdaq-us-Sadiqeen Sayyid-ul-Muttaqeen

Chashm-o-Gosh-e-Wizarat Pe Lakhon Salaam

Wo Umar Jis Ke Aada Pe Sheeda Saqar

Us Khuda Dost Huzurat Pe Lakhon Salaam

Fariq-e-Haq-o-Batil Imam-ul-Huda

Tegh-e-Maslool-e-Shiddat Pe Lakhon Salaam

Tarjuman-e-Nabi Hamzaban-e-Nabi

Jaan-e-Shaan-e-Adalat Pe Lakhon Salaam

Zahid-e-Masjid-e-Ahmadi Pe Durood

Dolat-e-Jaish-e-Usrat Pe Lakhon Salaam

Durr-e-Mansoor-e-Quran Ki Silka Bhi

Zauj-e-Do Noor-e-Iffat Pe Lakhon Salaam

Yani Usman Sahib-e-Qamees-e-Huda

Hulla Posh-e-Shahadat Pe Lakhon Salaam

Murtaza Sher-e-Haq Ashja-ul-Ashjaeen

Saqi-e-Sheer-o-Sharbat Pe Lakhon Salaam

Asl-e-Nasl-e-Safa Wajh-e-Wasl-e-Khuda

Bab-e-Fasl-e-Wilayat Pe Lakhon Salaam

Awwaleen Dafaa-e-Ahl-e-Rafz-o-Khurooj

Chaharum Rukn-e-Millat Pe Lakhon Salaam

Sher-e-Shamsheer Zan Shah-e-Khaibar Shikan

Partaw-e-Dast-e-Qudrat Pe Lakhon Salaam

Mahi-e-Rafz-o-Tafzeel-o-Nasb-o-Khurooj

Hami-e-Deen-o-Sunnat Pe Lakhon Salaam

Mominen Paish-e-Fath-o-Pas-e-Fath Sab

Ahl-e-Khair-o-Adalat Pe Lakhon Salaam

Jis Musalman Ne Dekha Unhein Ik Nazar

Us Nazar Ki Basarat Pe Lakhon Salaam

Jin Ke Dushman Pe Laanat Hai Allah Ki

Un Sab Ahl-e-Mohabbat Pe Lakhon Salaam

Baqi-e-Saqiyan-e-Sharab-e-Tahoor

Zain-e-Ahl-e-Ibadat Pe Lakhon Salaam

Aur Jitne Hain Shahzade Is Shah Ke

Un Sab Ahl-e-Makanat Pe Lakhon Salaam

Un Ki Bala Sharafat Pe Aala Durood

Un Ki Wala Siyadat Pe Lakhon Salaam

Shafai Malik Ahmad Imam-e-Hanif

Char Bagh-e-Imamat Pe Lakhon Salaam

Kamilan-e-Tariqat Pe Kamil Durood

Hamilan-e-Shariat Pe Lakhon Salaam

Ghous-e-Azam Imam-ut-Tuqa Wan-Nuqa

Jalwa-e-Shaan-e-Qudrat Pe Lakhon Salaam

Qutb-e-Abdal-o-Irshad-o-Rushd-ur-Rashad

Muhi-e-Deen-o-Millat Pe Lakhon Salaam

Mard-e-Khail-e-Tariqat Pe Behad Durood

Fard-e-Ahl-e-Haqiqat Pe Lakhon Salaam

Jis Ki Minbar Hui Gardan-e-Auliya

Us Qadam Ki Karamat Pe Lakhon Salaam

Shah-e-Barkat-o-Barkat-e-Peeshinian

Nau Bahar-e-Tariqat Pe Lakhon Salaam

Sayyid Aal-e-Muhammad Imam-ur-Rasheed

Gul-e-Rauz-e-Riazat Pe Lakhon Salaam

Hazrat-e-Hamza Sher-e-Khuda-o-Rasool

Zeenat-e-Qadriyat Pe Lakhon Salaam

Naam-o-Kaam-o-Tan-o-Jaan-o-Haal-o-Maqal

Sab Mein Achhe Ki Soorat Pe Lakhon Salaam

Noor-e-Jaan Itr-e-Majmua Aal-e-Rasool

Mere Aaqa-e-Naimat Pe Lakhon Salaam

Zaib-e-Sajjada Sajjad Noori Nihad

Ahmad-e-Noor Teenet Pe Lakhon Salaam

Be Azaab-o-Ataab-o-Hisab-o-Kitab

Ta Abad Ahl-e-Sunnat Pe Lakhon Salaam

Tere Un Doston Ke Tufail Ae Khuda

Bandah-e-Nang-e-Khalqat Pe Lakhon Salaam

Mere Ustad Maa Baap Bhai Behen

Ahl-e-Wald-o-Ashirat Pe Lakhon Salaam

Ek Mera Hi Rehmat Mein Daawa Nahi

Shah Ki Saari Ummat Pe Lakhon Salaam

Kaash Mahshar Mein Jab Un Ki Aamad Ho Aur

Bhejen Sab Un Ki Shaukat Pe Lakhon Salaam

Mujh Se Khidmat Ke Qudsi Kahen Haan Raza

Mustafa Jaan-e-Rehmat Pe Lakhon Salaam