Yeh Kaaba Se Nida Aayi, Idhar Dekho Wali Aaya

Yeh Kaaba se nida aayi, idhar dekho wali aaya

Hua charcha zamane mein, Ali (RA) aaya, Ali (RA) aaya

Jo us dam bhi namazi tha, na tha hukm-e-namaz utra

Jo dekha us Ali (RA) ko to, shuoor-e-bandagi aaya

Mohajir aur Ansari bane bhai sabhi baaham

Magar tuj ko mubarak ho ke tu ban kar akhi aaya

Bara tha zaam Marhab ko, nahin koi shaji' aisa

Machi thi khalbali har su, muqabil jab Ali (RA) aaya

Rasai ilm-e-Sarwar (SAW) tak dar-e-Haider (RA) se mumkin hai

So us dar se jo guzra hai use ilm-e-Nabi (SAW) aaya

Jise na-qabil-e-taskheer samjhe the makeen us ke

Woh Khyber bhi larazta tha ke dhaane ko Ali (RA) aaya

Hua mehboob har ik ka, kaha jis ne Ali (RA) Maula

Wohi ruswa hua har ja, muqabil jo shaqi aaya

Ke aulad-e-Ali (RA) ne hi sanam tore zamane ke

Buton ko todne pehle, Nabi (SAW) aaye Ali (RA) aaya

Zameen-e-Hind par gadhay jo panjay kufr ne har su

Hilane un ki bunyaden, yahan Hindu al-wali aaya

Yahan fitna kya barpa jo Mirza Qadiani ne

To karne us ki sarkoobi mera Mehr-e-Ali aaya

Likhi Maah-e-Rajab ki terhween tareekh hai dil par

Jaleel, is roz duniya mein, mera pyara Ali (RA) aaya