Yeh Jo Quran Mubeen Hai Rehmat-ul-lilalameen ﷺ

Yeh jo Quran Mubeen hai Rehmat-ul-lilalameen ﷺ

Teri azmat ka ameen hai Rehmat-ul-lilalameen ﷺ

Dil to kehta hai ke teri shan ki shayan ho naat

Nutq ko yara nahin hai Rehmat-ul-lilalameen ﷺ

Tu haseenon ka haseen hai tu jameelon ka jameel

Tu ameenon ka ameen hai Rehmat-ul-lilalameen ﷺ

Tera jalwa, teri khu, tera taqaddus, teri zaat

Hasil ilm o yaqeen hai Rehmat-ul-lilalameen ﷺ

Fikr o danish ho ke bazm aab o gil ki wasatein

Tera saani hi nahin hai Rehmat-ul-lilalameen ﷺ