Yeh Arzu Nahi Ke Duayen Hazar Do
Yeh Arzu Nahi Ke Duayen Hazar Do
Yeh arzu nahi ke duayen hazar do
Parh kar Nabi ki naat lahd mein utaar do
Dekha abhi abhi hai nazar ne jamal-e-yar
Ae maut mujh ko thodi si mohlat udhar do
Sunte hain jan-kani ka hai lamha bohat kathin
Le kar Nabi ka naam yeh lamha guzaar do
Gar jeetna hai ishq mein laazim yeh shart hai
Khelo agar yeh baazi to har cheez haar do.
Yeh jaan bhi Zahoori Nabi ke tafail hai
Is jaan ko Huzoor ka sadqa utaar do