Ye Naaz Ye Andaaz Humare Nahi Hote

Ye naaz ye andaaz humare nahi hote

Jholi mein agar tukde tumhare nahi hote

Jab tak ke Madine se ishare nahi hote

Roshan kabhi qismat ke sitare nahi hote

Milti na agar bheek Huzoor ﷺ aap ke dar se

Is thaath se mangton ke guzare nahi hote

Hum jaise nikammon ko gale kaun lagata

Sarkar ﷺ agar aap humare nahi hote

Be-daam hi bik jaiye bazar-e-Nabi ﷺ mein

Is shaan ke saude mein khasare nahi hote

Khalid ye tasadduq hai faqat naat ka warna

Mahshar mein tere ware nyare nahi hote