Yarasool Allah Tere Dar Ki Fizaaon Ko Salaam

Yarasool Allah tere dar ki fizaaon ko salaam

Gunbad-e-khazra ki thandi thandi chhaaon ko salaam

waalihana jo tawaaf roza-e-aqdas kare

mast o bekhud wajd mein aati un hawaaon ko salaam

Jo Madine ki gali kochon mein dete hain sada

taa qayamat un faqeeron aur gadaaon ko salaam

Maangte hain jo wahan shah o gadaa be imtiyaaz

Dil ki har dhadkan mein shaamil un duaon ko salaam

Ae Zahoori khush naseebi le gayi jin ko hijaz

Un ke ashko aur un ki iltijaaon ko salaam

Dar pe rehne wale khaanason aur aamoon ko salaam

Ya Nabi tere ghulaamon ke ghulaamon ko salaam

Kaaba Kaaba ke khush manzar nazaron par darood

Masjid-e-Nabvi ki subho aur shaamon ko salaam

Jo padha karte hain roz o shab tere darbaar mein

Paish karta hai Zahoori in salaamon ko salaam