Yad-e Vatan Sitam Kiya Dasht-e Haram Se Laayi Kyu
Yad-e Vatan Sitam Kiya Dasht-e Haram Se Laayi Kyu
Yad-e vatan sitam kiya dasht-e haram se laayi kyu
Baithe bithaye badnaseeb sar pe balaa uttai kyu
Dil mein to chot thi dabi haaye ghazab ubhar gayi
Poocho to aah-e sard se thandi hawa chalai kyu
Chhor ke us haram ko aap ban mein thagon ke aabso
Phir kaho sar pe dhar ke haath lut gayi sab kamai kyu
Bagh-e Arab ka sarv-e naaz dekh liya hai warna aaj
Qamri-e jaan-e ghamzada goonj ke chehchai kyu
Naam-e madina le diya chalne lagi naseem-e khald
Sozish-e gham ko hum ne bhi kaisi hawa batai kyu
Kis ki nigah ki haya phirti hai meri aankh mein
Nargis-e mast naaz ne mujh se nazar churai kyu
Tu ne to kar diya tabeeb aatish-e seenah ka ilaaj
Aaj ke dood-e aah mein booye kabaab aayi kyu
Fikr-e ma'ash bad bala haal-e ma'ad jaan guza
Lakhon bala mein phansne ko rooh badan mein aayi kyu
Ho na ho aaj kuch mera zikar huzoor mein hua
Warna meri taraf khushi dekh ke muskurai kyu
Hoor-e jinaan sitam kiya Taiba nazar mein phir gaya
Chhed ke parda-e Hijaaz des ki cheez gai kyu
Ghaflat-e sheikh o shaab par hanste hain tifl shir khwar
Karne ko gad gadi abas aane lagi bahaai kyu
Arz karun huzoor se dil ki to mere khair hai
Peetti sar ko aarzoo dasht-e haram se aayi kyu
Hasrat-e nau ka saaneha sunte hi dil bigad gaya
Aise mareez ko Raza marg-e jawan sunai kyu