Yaa Rab Tere Mehboob Ka Jalwa Nazar Aaye
Yaa Rab Tere Mehboob Ka Jalwa Nazar Aaye
Yaa Rab tere mehboob ka jalwa nazar aaye
Is noor-e-mujassam ka saraapa nazar aaye
Ae kash kabhi aisa bhi ho khwab mein mere
Hon jis ki ghulami mein woh aaqa nazar aaye
Roshan rahen aankhen yeh meri baad-e-fana bhi
Gar waqt-e-naaz woh sheh-e-waala nazar aaye
Taa hashra meri qabr mein ho jaye ujaala
Marqad mein jo un ka rukh zebaa nazar aaye
Jis dar ka banaya hai gada mujh ko elahi
Us dar pe kabhi kash yeh mangta nazar aaye
Kis darja banaya unhein Allah ne mehboob
Har aik ke dil ki woh tamana nazar aaye
Aao ke shama naaton ki har simt jalayein
Har gosh-e-hasti mein ujaala nazar aaye
Kis aankh ne dekhi hai misaal un ki jahaan mein
Sarkar to konain mein yakta nazar aaye
Kaaba ae Riaz is ko bana loon ga main dil ka
Gar naqsh-e-qadam mujh ko Nabi ka nazar aaye