Ya Nabi Nazr-e-karam Farma Na Aye Husnain Ke Nana

Ya Nabi nazr-e-karam farma na Aye Husnain ke Nana

Zahrah pak ke sadqe hum ko Tayyibah mein bulana

Saj gayi hai Milaad ki mehfil kya hai khoob nazara

Kaif-o-masti mein dooba hai dekho aalam sara

Dhoondh rahi hai aap ki rehmat bakhshish ka bahana

Be saaya hai lekin do jag par hai aapka saaya

Arsh-e-Muala bana mahalla deed ko Rab ne bulaya

Hashr talak na ho ga kisi ka aisa ana jana

Aapke dar ka main ho bhikari aap hain mere data

Saare rishton naton se hai piara apna nata

Aap to hain aata hai jinko sab ki laaj nibhana

Nisbat ka faizaan hai dekho khadim-e-Ghaus Jali hoon

Karta hai mujh pe naaz zamana mein asaf Ali hoon

Aap ki aal ka main naukar ho aur khadim hoon purana