Ya Nabi Dekha Ye Rutba Aap Ki Na'layn Ka

Ya Nabi dekha ye rutba aap ki na'layn ka

Arsh ne chooma hai talwa aap ki na'layn ka

Aap ke talwoon ki narmi qalb par mehsoos ki

Maine jab bhi naqsh dekha aap ki na'layn ka

Hashr mein jab log choomen aap ki dast-e-karam

Sab se chhup karlun main bosa aap ki na'layn ka

Roz-e-mahshar sar par sooraj jab sawa neze pe ho

Ek neze par ho saya aap ki na'layn ka

Aap ki khidmat ka mujh ko kash mil jata sharaf

Baandha haathon se tasma aap ki na'layn ka