Ya Mustafa Ata Ho Ab Izn, Hazri Ka
Ya Mustafa Ata Ho Ab Izn, Hazri Ka
Ya Mustafa ata ho ab izn, hazri ka
Karloon nazara akar main aap ki gali ka
Ik bar to dikha do Ramzan mein Madina
Beshak banalo aqa mehman do ghari ka
Rota hua main aoon dagh-e-jigar dikhaoon
Afsana bhi sunaoon main apni bekasi ka
Main sabz sabz gunbad ki dekh loon baharain
Ab izn dedo aqa tum mujh ko hazri ka
Moula gham-e-Madina dede gham-e-Madina
Deewana tu bna de mujh ko tere nabi ka
Khoon-e-jigar se seencha hai bagh Sunnat ka
Kardo karam wasila us Madani Murshidi ka
Ya Sayyid-e-Madina! Bas aap hi nibhana
Go hoon bara kameena par hoon to aap hi ka
Ya Mustafa! Gunahon ki aadatein nikaalo
Jazba mujhe ata ho sunnat ki pai'rvi ka
Hoon door ab balaien deta hoon wasita main
Mazloom-e-Karbala ki Sarkar! Bekasi ka
Allah! Hub-e-duniya se tu mujhe bachana
Sail hoon ya Khuda main ishq-e-Muhammadi ka
Fakhr o ghuroor se tu Moula mujhe bachana
Ya Rab! Mujhe bna de paikar tu aajzi ka
Emaan pe Rabb-e-Rehmat dede tu istiqamat
Deta hoon wasita main tujh ko tere nabi ka
Ho har nafas Madina dhadkan mein ho Madina
Jab tak na saans toote Sarkar zindagi ka
Duniya ke tajdaro! Tum se mujhe gharaz kya!
Mangta hoon main to mangta Sarkar ki gali ka
Allah! Iss se pehle emaan pe maut dede
Nuksan mere sabab se ho sunnat-e-nabi ka
Ulfat ki bheek dede deta hoon wasita main
Siddiq ka Umar ka Usman ka Ali ka
Kuch nekya kamale jald aakhirat banale
Koi nahi bharosa ae bhai! Zindagi ka
Meezan pe sab khare hain aamaal tul rahe hain
Rakh lo bharam khudara! Attar Qadri ka