Ya Muhammad ﷺ Hai Sara Jahan Aap Ka

Ya Muhammad ﷺ hai sara jahan aap ka

Yeh zameen aap ki aasmaan aap ka

Rehmat e Aalameen ﷺ aap ki zaat hai

Sab yeh lutf karam hai ayaan aap ka

Aap ka zikr karti hai hardum zabaan

Qalb karta hai hardum bayaan aap ka

Aasiyon ke liye juz nadamat hai kya

Aasra hai shafi'e zaman aap ka

Is ko rehti hai hardum madine ki dhun

Yeh jo Behzaad hai naat khawaan aap ka