Ya Mohammad ﷺ Noor-e-Mujassam Ya Habibi Ya Maulai

Ya Mohammad ﷺ noor-e-mujassam ya habibi ya maulai

Tasveer kamal-e-muhabbat tanweer-e-jamal khudai

Tera wasf bayan ho kis se teri kaun kare ga bardai

Is gard-e-safar mein gum hai Jibrael ameen ki rasai

Teri aik nazar ke talib tere aik sakhan pe qurbaan

Ye sab tere diwaane ye sab tere shedai

Ye rang bahaar gulshan ye gul aur gul ka joban

Tere noor qadam ka dhuvun us dhuvun ki runai

Ma ajmalak teri surat ma ahsanak teri seerat

Ma akmalak teri azmat teri zaat mein gum hai khudai

Ae mazhar shaan-e-jamali ae khwaja o banda aali

Mujhe hashr mein kaam aajaye mera zoq-e-sakhan arai

Tu raees roz-e-shafa'at tu ameer lutf o inayat

Hai Adeeb ko tujh se nisbat ye ghulam hai tu aqai