Ya Ilahi Rehm Farma Mustafa Ke Waaste
Ya Ilahi Rehm Farma Mustafa Ke Waaste
Ya Ilahi rehm farma Mustafa ke waaste
Ya Rasool Allah karam kijiye Khuda ke waaste
Mushkilein hal kar Shah-e-Mushkil Kusha ke waaste
Kar balaayein rad Shaheed-e-Karbala ke waaste
Sayyid-e-Sajjad ke sadqe mein sajid rakh mujhe
Ilm-e-Haq de Baqir-e-Ilm-e-Huda ke waaste
Sidq-e-Sadiq ka tasadduq Sadiq-ul-Islam kar
Be-ghazab raazi ho Kazim aur Raza ke waaste
Behr-e-Ma’roof o Sari ma’roof de bekhud sari
Jund-e-Haq mein gin Junaid ba-safa ke waaste
Behr-e-Shibli sher-e-Haq duniya ke kutto se bacha
Ek ka rakh Abd-e-Wahid be-riya ke waaste
Bu al-Farah ka sadqa kar gham ko farah de Hasan o Saad
Bu al-Hasan aur Bu Saeed-e-Saadzah ke waaste
Qadri kar Qadri rakh Qadriyon mein utha
Qadr-e-Abdul Qadir-e-Qudrat numa ke waaste
Ahsanallahu lahum rizqan se de rizq-e-hasan
Bandah-e-Razzaq Taj-ul-Asfiya ke waaste
Nasr Abi Salih ka sadqa Salih o Mansoor rakh
De hayaat-e-deen Muhiy-e-jaan-fiza ke waaste
Toor-e-Irfaan o uloo o hamd o Husna o baha
De Ali Moosa Hasan Ahmad Baha ke waaste
Behr-e-Ibrahim mujh par naar-e-gham gulzaar kar
Bheek de Data bhikaari badshah ke waaste
Khana-e-dil ko ziya de rooh-e-imaan ko jamaal
Shah Ziya Maula Jamaal-ul-Auliya ke waaste
De Muhammad ke liye rozi, kar Ahmad ke liye
Khawaan-e-Fazlullah se hissa gada ke waaste
Deen o duniya ke mujhe barakaat de Barkaat se
Ishq-e-Haq de Ishqi Ishq-e-Intima ke waaste
Hubb-e-Ahl-e-Bait de Aal-e-Muhammad ke liye
Kar Shaheed-e-Ishq Hamza peshwa ke waaste
Dil ko achha, tan ko suthra, jaan ko pur noor kar
Achhe pyare Shams-ud-Deen Badr-ul-Ula ke waaste
Do jahan mein khadim-e-Aal-e-Rasool Allah kar
Hazrat-e-Aal-e-Rasool-e-Muqtada ke waaste
Sadqa in a’yaan ka de chhe ‘Ain – ‘Iz, ‘Ilm o ‘Amal
‘Afw o ‘Irfaan, ‘Afiyat Ahmad Raza ke waaste