Ya Hussain Ibn E Ali Teri Shahadat Ko Salam

Ya Hussain Ibn e Ali teri shahadat ko salam

Jazba e imaan ko shan e ibadat ko salam

Kaun hai duniya mei tujh sa tayyab o tahir koi

Teri rag rag mei rawaan khoon e risalat ko salam

Tere ghar ki pak baazi mei hai Quraan bolta

Ayat e tathir tu teri taharat ko salam

Tu piara hai khuda ka aur nabi ka laadla

Ahl e jannat karte hain teri sadarat ko salam

Doston par tere rehmat dushmanon par hai gazab

Hai yehi qoul e nabi qoul e nabuwat ko salam

Bache bache kar diye qurbaan khuda ke naam par

Ae ameer ul momineen teri amarat ko salam

Jis ke do moti ka saani laa saka koi nahi

Khandaan e Mustafa ki aisi daulat ko salam

Ye Ziyae khasta teri rah ka musht e ghubar

Ye bhi hai tera karam teri inayat ko salam