Ya Ali al Murtaza Mawla Ali Mushkilkusha
Ya Ali al Murtaza Mawla Ali Mushkilkusha
Ya Ali al Murtaza Mawla Ali Mushkilkusha
Aap hain Sher-e-Khuda Mawla Ali Mushkilkusha
Sahib-e-Lutf-o-Ata Mawla Ali Mushkilkusha
Hain Shaheed-e-Ba Wafa Mawla Ali Mushkilkusha
"Ilm ka main shehr hoon darwaza is ka hain Ali"
Hai yeh Qaul-e-Mustafa Mawla Ali Mushkilkusha
"Jis kisi ka main hoon Mawla us ke Mawla hain Ali"
Hai yeh Qaul-e-Mustafa Mawla Ali Mushkilkusha
Paikar-e-Khouf-e-Khuda ay Aashiq-e-Khairul Wara
Tum se raazi Kibriya Mawla Ali Mushkilkusha
Baad-e-Khulfa-e-Salasah sab Sahaba se bara
Aap ko rutba mila Mawla Ali Mushkilkusha
Qila-e-Khaibar ka darwaza ukhaara aap ne
Marhaba! Sad marhaba! Mawla Ali Mushkilkusha
Paikar-e-Jood-o-Sakha tu main faqeer-o-be nava
Tu hai Data main gada Mawla Ali Mushkilkusha
Shabbir-o-Shabbir ke walid hotum maan Fatima
Siyyed-o-Sardar-e-ma Mawla Ali Mushkilkusha
Main gunahon ka mareez aur aap hain mere tabeeb
Dijiye mujh ko shifa Mawla Ali Mushkilkusha
Jaan ko khatra hai meri dushmanon se har ghari
Almadad Sher-e-Khuda Mawla Ali Mushkilkusha
Haider-e-Karrar! le ke aao tegh-e-Zulfiqar
Zor-e-dushman barh chala Mawla Ali Mushkilkusha
Maghfirat karwaiye Jannat mein le ke jaiye
Wasita Hasnain ka Mawla Ali Mushkilkusha
Dil se duniya ki muhabbat dur kar ke ya Ali!
Dedo ishq-e-Mustafa Mawla Ali Mushkilkusha
Az paye Ghous-ul-Wara hum ko Najaf bulwaiye
Ho karam ya Murtaza Mawla Ali Mushkilkusha
Shabbar o Shabbir ke Baba mujhe deedaar ho
Khwaab mein ab aapka Mawla Ali Mushkilkusha
Ashkbaar aankhen ata hon dil ki sakhti dur ho
Dijiye khauf-e-Khuda Mawla Ali Mushkilkusha
Ek zarra apni ulfat ka inayat kar mujhe
Apna deewana bana Mawla Ali Mushkilkusha
Bheek lene ke liye darbar mein mangta tera
Le ke kashkol aa gaya Mawla Ali Mushkilkusha
Kyun phirun dar dar bhala khairaat lene ke liye
Main faqat mangta tera Mawla Ali Mushkilkusha
Nafs-e-Ammara ho maghloob aur sada nakaam ho
Waar har shaitaan ka Mawla Ali Mushkilkusha
Be sabab bakhshish ho meri yeh dua farmaiye
Mustafa ka wasita Mawla Ali Mushkilkusha
Kijiye haq se dua imaan par ho khatima
Khair se Attar ka Mawla Ali Mushkilkusha