Woh Shama Ujala Jis Ne Kiya Chalees Baras Tak Ghaaron Mein

Woh Shama Ujala Jis Ne Kiya Chalees Baras Tak Ghaaron Mein

Ik Roz Jhalakne Wali Thi Sab Duniya Ke Darbaron Mein

Rahmat Ki Ghataen Phel Gayi Aflaak Ke Gunbad Gunbad Par

Wahdat Ki Tajalli Kond Gayi Aafaaq Ke Seena Zaaron Mein

Gar Arz-o-Sama Ki Mehfil Mein Loolaak Lamaa Ka Shoor Na Ho

Yeh Rang Na Hon Gulzaaron Mein Yeh Noor Na Ho Sayaaron Mein

Woh Jins Nahi Iman Jise Le Aayen Dukan-e-Falsafa Se

Dhoonde Se Milegi Aaqil Ko Yeh Quran Ke Sipaaron Mein

Jo Falsafiyon Se Khul Na Saka Aur Nukta Baroon Se Hal Na Hua

Woh Raaz Ak Kambli Wale Ne Batla Diya Chand Isharon Mein

Jis Maikade Ki Ek Boond Se Bhi Lab Kaj Kalhon Ke Tar Na Huye

Hain Aaj Bhi Hum Be Maaya Gada Us Maikade Ke Sarsharon Mein

Hum Haq Ke Alambardaron Ka Hai Ab Bhi Nirala Thaath Wohi

Baadal Ki Garaj Takbeeron Mein Bijli Ki Tarap Talwaron Mein

Hain Kiranen Ik Hi Mashal Ki Abu Bakr ﷺ wa Umar ﷺ , Usman ﷺ , Ali ﷺ

Hum Martaba Hain Yaran-e-Nabi Kuch Farq Nahi In Charon Mein