Woh Ghadeer-e-Khum Mein Azaan Hui Woh Saji Khayal Ki Anjuman

Woh Ghadeer-e-Khum mein azaan hui woh saji khayal ki anjuman

Woh rukh-e-shaoor pe zou pari woh barha hayat ka bankapan

Woh kali khatak se chhatak gayi woh bhatak bhatak ke chali poon

Lab arzoo pe dhanak pari khula khwahishon ka haseen chaman

Dil-e-kahkashaan mein utar gayi woh radaaye dasht shikan shikan

Woh sawariyon ke qadam ruke, jhuke farsh par woh thake badan

Woh falak ko dekh ke hans para rukh-e-rehguzar ka bhoolpan

Woh zameen ke dil mein hai aarzo ke milaye aankh zara gagan

Soye Murtaza barhe Mustafa bamaizaj-e-rasm o rah-e-kuhan

Woh Nabi Wasi se mila hai yun mile jaise chaand se ek kiran

Woh Ali ka haath buland hai kahan reh gaye yeh zameen zaman

Sar-e takht-e-reg hai lab kasha woh Ameer-e-mahfil-e-panjtan

Kaha Mustafa ne ke zindagi meri baat aaj se aam kar

Hai yahi Ali mera janasheen mere janasheen ko salaam kar