What is the title of this Kalam?

The title of this Kalam is 'Wo Sarwar-e-Kishwar-e-Risalat Jo Arsh Par Jalwa Gar Huay The'.

Who is the poet of Wo Sarwar-e-Kishwar-e-Risalat?

The poet of this Kalam is Ahmed Raza Khan Barelvi.

Which book includes this Kalam?

This Kalam is included in the book Hadaiq-e-Bakhshish.

Wo Sarwar-e-kishwar-e-risalat Jo Arsh Par Jalwa Gar Huay The

Poet: Ahmed Raza Khan Barelvi | Book: Hadaiq-e-Bakhshish | Type: Naat

Wo Sarwar-e-kishwar-e-risalat Jo Arsh Par Jalwa Gar Huay The

Wo Sarwar-e-Kishwar-e-Risalat Jo Arsh Par Jalwa Gar Huay The

Naye Nirale Tarab Ke Saman Arab Ke Mehman Ke Liye The

Bahar Hai Shadiyan Mubarak Chaman Ko Abadiyan Mubarak

Malak Falak Apni Apni Le Mein Ye Ghar Anadil Ka Bolte The

Wahan Falak Par Yahan Zameen Mein Rachi Thi Shadi Machi Thi Dhoomen

Udhar Se Anwaar Hanste Aate Idhar Se Nafahat Uth Rahe The

Ye Chhoot Parti Thi Un Ke Rukh Ki Ke Arsh Tak Chandni Thi Chhatki

Wo Raat Kya Jagmaga Rahi Thi Jagha Jagha Nasb Aaine The

Nayi Dulhan Ki Phaban Mein Kaaba Nikhar Ke Sunwara Sunwar Ke Nikha

Hajr Ke Sadqay Kamar Ke Ik Til Mein Rang Lakhon Banaou Ke The

Nazar Mein Dulha Ke Pyare Jalwae Haya Se Mehrab Sar Jhukaye

Siyah Parde Ke Munh Par Anchal Tajalli Zaat Baht Se The

Khushi Ke Badal Umand Ke Aaye Dilon Ke Taous Rang laaye

Wo Naghma-e-Naat Ka Samaan Tha Haram Ko Khud Wajd Aa Rahe The

Ye Jhooma Mezaab-e-Zar Ka Jhoomar Ke Aa Raha Kaan Par Dhalak Kar

Phoohar Barsi To Moti Jhad Kar Hatim Ki Goad Mein Bhare The

Dulhan Ki Khushboo Se Mast Kapde Naseem Gustakh Anchaloon Se

Ghilaf-e-Mushkin Jo Urh Raha Tha Ghazal Nafe Basa Rahe The

Pahadiyon Ka Wo Husn-e-Tazeen Wo Oonchi Choti Wo Nazo Tamkeen!

Saba Se Sabza Mein Lehrain Aatin Dupatte Dhani Chune Huay The

Naha Ke Nehron Ne Wo Chamakta Libaas Aab-e-Rawan Ka Pehna

Ke Mojain Chhadiyan Thin Dhaar Lachka Hubab-e-Taban Ke Thal Tike The

Purana Pur Dagh Malgaja Tha Utha Diya Farsh Chandni Ka

Hajoom-e-Tar-e-Nigah Se Koso Kadam Kadam Farsh Badle The

Ghubar Ban Kar Nisaar Jayein Kahan Ab Us Rah Guzar Ko Payen

Hamare Dil Hooriyon Ki Aankhen Farishton Ke Par Jahan Biche The

Khuda Hi De Sabr Jaan-e-Par Gham Dikhaun Kyun Kar Tujhe Wo Alam

Jab Un Ko Jharmat Mein Le Ke Qudsi Jannat Ka Dulha Bana Rahe The

Utar Kar Un Ke Rukh Ka Sadqa Ye Noor Ka Bat Raha Tha Baara

Ke Chand Suraj Machal Machal Kar Jabeen Ki Khairaat Mangte The

Wo Hi To Ab Tak Chhalak Raha Hai Wo Hi To Joban Tapak Raha Hai

Nahane Mein Jo Gira Tha Pani Katoray Taron Ne Bhar Liye The

Bacha Jo Talwon Ka Un Ke Dhuwan Bana Wo Jannat Ka Rang o Roghan

Jinhon Ne Dulha Ki Payi Utarn Wo Phool Gulzar-e-Noor Ke The

Khabar Ye Tahweel Mehr Ki Thi Ke Rut Suhani Ghadi Phiregi

Wahan Ki Poshak Zaib Tan Ki Yahan Ka Jora Barha Chuke The

Tajalli-e-Haq Ka Sehra Sar Par Salat o Tasleem Ki Nichawar

Do Rawiha Qudsi Pare Jama Kar Khade Salami Ke Wastay The

Jo Hum Bhi Wan Hote Khaak-e-Gulshan Lipat Ke Kadmon Se Lete Utarn

Magar Karein Kya Naseeb Mein To Ye Namuradi Ke Din Likhe The

Abhi Na Aaye The Pusht Zeen Tak Ke Sar Hui Maghfirat Ki Shilk

Sada Shafaat Ne Di Mubarak! Gunaah Mastana Jhoomte The

Ajab Na Tha Rakhsh Ka Chamakna Ghazal Dam Khurda Sa Bhadakna

Shuaein Buke Ura Rahi Thin Tarpate Aankhon Pe Saaqiye The

Hajoom-e-Umeed Hai Ghatao Muradein De Kar Inhein Hatao

Adab Ki Bagein Liye Barhao Malaika Mein Ye Ghalghale The

Uthi Jo Gurd-e-Rah-e-Munawar Wo Noor Barsa Ke Raste Bhar

Ghaye The Badal Bhare The Jal Thal Umand Ke Jungle Ubal Rahe The

Sitam Kya Kaisi Mat Kati Thi Qamar! Wo Khaak Un Ke Rah Guzar Ki

Utha Na Laya Ke Milte Milte Ye Dagh Sab Dekhta Mate The

Buraq Ke Naqsh-e-Sam Ke Sadqe Wo Gul Khilae Ke Saare Raste

Mahakte Gulban Lehte Gulshan Hare Bhare Lehla Rahe The

Namaz-e-Aqsa Mein Tha Yehi Sirr Ayaan Hon Maini-e-Awwal Aakhir

Ke Dast Basta Hain Peechhe Haazir Jo Saltanat Aage Kar Gaye The

Ye Un Ki Amad Ka Dabdaba Tha Nikhaar Har Shay Ka Ho Raha Tha

Najum o Aflak Jam o Meena Ujalte The Khangalte The

Niqaab Uthlete Wo Mehr Anwar Jalal-e-Rukhsaar Garmiyon Par

Falak Ko Haibat Se Tap Chadi Thi Tapakte Anjum Ke Aable The

Ye Joshish-e-Noor Ka Asar Tha Ke Aab-e-Gauhar Kamar Kamar Tha

Safaaye Rah Se Phisl Phisl Kar Sitaray Kadmon Pe Lottte The

Barha Ye Lehra Ke Bahr Wahdat Ke Dhul Gaya Naam-e-Reeg Kasrat

Falak Ke Tilon Ki Kya Haqiqt Ye Arsh o Kursi Do Bulbule The

Wo Zil-e-Rahmat Wo Rukh Ke Jalwe Ke Tare Chhupte Na Khilne Paate

Sunehri Zarbaft Oodi Atlas Ye Thaan Sab Dhoop Chaon Ke The

Chalawa Sarv-e-Chaman Kharaman Na Ruk Saka Sidrah Se Bhi Daman

Palak Jhaptki Rahi Wo Kab Ke Sab Een Wan Se Guzar Chuke The

Jhalak Si Ek Qudsiyon Par Aayi Hawa Bhi Daman Ki Phir Na Payi

Sawari Dulha Ki Door Pahunche Baraat Mein Hosh Hi Gaye The

Thake The Ruhul Ameen Ke Bazoo Chhuta Wo Daman Kahan Wo Pehlu

Rikab Chhuti Umeed Tooti Nigah-e-Hasrat Ke Walwale The

Ravish Ki Garmi Ko Jis Ne Socha Dimagh Se Ek Bhabo Ka Phoota

Khirad Ke Jungle Mein Phool Chamka Dahr Dahr Ped Jal Rahe The

Jilo Mein Jo Murgh-e-Aql Udre The Ajab Buray Halon Girtay Padtay

Wo Sidra Hi Par Rahe The Thak Kar Chadhah Tha Dam Tiyor Aagaye The

Qawi The Murghan-e-Waham Ke Par Udre To Udne Ko Aur Dam Bhar

Uthayi Seene Ki Aisi Thokar Ke Khoon-e-Andesha Thookte The

Suna Ye Itne Mein Arsh-e-Haq Ne Ke Le Mubarak Hon Taj Wale

Wohi Qadam Khair Se Phir Aaye Jo Pehle Taj-e-Sharf Tere The

Ye Sun Ke Be Khud Pukar Utha Nisaar Jaoun Kahan Hain Aaqa

Phir Un Ke Talwon Ka Paaon Bosa Ye Meri Aankhon Ke Din Phire The

Jhuka Tha Mujray Ko Arsh-e-Ala Gire The Sajde Mein Bazm-e-Bala

Ye Aankhen Kadmon Se Mal Raha Tha Wo Gurd Qurban Ho Rahe The

Ziyaen Kuch Arsh Par Ye Aayeen Ke Saari Qandeelain Jhalmilayeen

Huzoor-e-Khursheed Kya Chamakte Chiragh Munh Apna Dekhte The

Yehi Samaan Tha Ke Paik-e-Rahmat Khabar Ye Laya Ke Chaliye Hazrat

Tumhari Khaatir Kushada Hain Jo Kaleem Par Band Raste The

Barh Ae Muhammad Qareen Ho Ahmad Qareeb A Sarwar-e-Mumajad

Nisaar Jaaoun Ye Kya Nida Thi Ye Kya Samaan Tha Ye Kya Maze The

Tabaarak Allah Shaan Teri Tujhi Ko Zeeba Hai Be Niyaazi

Kahin Tu Wo Josh-e-Lan Tarani Kahin Taqaze Wisal Ke The

Khirad Se Kehdo Ke Sar Jhuka Le Guman Se Guzre Guzarne Wale

Pade Hain Yaan Khud Jihat Ko Lale Kise Batae Kudhar Gaye The

Suragh Ain o Mata Kahan Tha Nishaan-e-Kaif o Ila Kahan Tha

Na Koi Rahi Na Koi Saathi Na Sang-e-Manzil Na Marhale The

Udhar Se Paiham Taqaze Aana Idhar Tha Mushkil Qadam Barhana

Jalal Wo Heybat Ka Saamna Tha Jamal o Rahmat Ubharte The

Badhe To Lekin Jhijhate Darte Haya Se Jhukte Adab Se Rukte

Jo Qurb Inhein Ki Ravish Pe Rakhte To Lakhon Manzil Ke Faasle The

Par Un Ka Barhna To Naam Ko Tha Haqiqat Fa'il Tha Udhar Ka

Tanazulon Mein Taraqqi Afza Dana Tadalla Ke Silsile The

Hua Na Aakhir Keh Ek Bajra Tamojg-e-Bahr Hu Mein Ubhra

Dana Ki Ghodi Mein Un Ko Lekar Fana Ke Langar Utha Diye The

Kise Mile Ghaat Ka Kinara Kahaan Se Guzra Kahan Utara

Bhra Jo Misl Nazar Tarara Wo Apni Aankhon Se Khud Chupe The

Uthe Jo Qasr-e-Dana Ke Parde Koi Khabar De To Kya Khabar De

Wahan To Jahi Nahi Dooil Ki Na Keh Ke Wo Bhi Na The Are The

Wo Bagh Kuch Aisa Rang Laya Ke Ghuncha o Gul Ka Farq Uthaya

Girah Mein Kaliyon Ki Bagh Phoolay Gulon Ke Takme Lage Huye The

Muheet o Markaz Mein Farq Mushkil Rahe Na Faasil Khutoot Wasl

Kamaan Hain Hairat Mein Sar Jhukaye Ajib Chakar Mein Daire The

Hijaab Uthne Mein Lakhon Parde Har Ek Parde Mein Lakhon Jalwe

Ajib Ghari Thi Ke Wasl o Firaqat Janam Ke Bichhde Gale Mile The

Zabanen Sookhi Dikha Ke Mojen Tarp Rahi Thin Ke Pani Payen

Bhanwar Ko Ye Zaaf Tashnaghi Tha Ke Halke Aankhon Mein Pad Gaye The

Wohi Hai Awwal Wohi Hai Aakhir Wohi Hai Batin Wohi Hai Zahir

Usi Ke Jalwe Usi Se Milne Usi Se Us Ki Taraf Gaye The

Kamaan-e-Imkaan Ke Jhoote Naqto Tum Awwal Aakhir Ke Pher Mein Ho

Muheet Ke Chaal Se Tu Puchho Kidhar Se Aaye Kidhar Gaye The

Idhar Se Thin Nazar Shah Namazein Idhar Se Inaam-e-Khusrawi Mein

Salam o Rahmat Ke Haar Gandh Kar Galue Par Noor Mein Pare The

Zaban Ko Intizaar Guftan To Gosh Ko Hasrat Shunidan

Yahan Jo Kehna Tha Keh Liya Tha Jo Baat Sunni Thi Sun Chuke The

Wo Burj-e-Batha Ka Maah Paara Behesht Ki Sair Ko Sidhara

Chamak Pe Tha Khuld Ka Sitara Ke Is Qamar Ke Qadam Gaye The

Sarwar Maqdam Ki Roshan Thi Ke Tabishon Se Meher Arab Ki

Jannat Ke Gulshan The Jhaar Farsi Jo Phool The Sab Kanwal Bane The

Tarab Ki Nazish Ke Haan Lachkiye Adab Wo Bandash Ke Hil Na Sakiye

Ye Josh-e-Zideen Tha Ke Pode Kshaksh-e-Arrah Ke Tale The

Khuda Ki Qudrat Ke Chand Haq Ke Karoorn Manzil Mein Jalwah Karke

Abhi Na Taron Ki Chaun Badali Ke Noor Ke Tarke Aaliye The

Nabi Rahmat Shafi-e-Ummat! Raza Par Lillah Ho Inayat

Use Bhi Un Khilatoun Se Hissa Jo Khaas Rahmat Ke Wan Bate The

Sana-e-Sarkaar Hai Wazifah Qabool-e-Sarkaar Hai Tamanna

Na Shayari Ki Hawas Na Parwah Rawi Thi Kya Kaise Qafiye The