Wo Kaisa Samaan Hoga, Kaisi Wo Ghari Hogi

Wo kaisa samaan hoga, kaisi wo ghari hogi

Jab pehli nazar un ke roza par pari hogi

Ye koocha-e-janan hai, aahista qadam rakhna

Har ja pe malaaik ki baraat khadi hogi

Kya saamne ja ke hum haal apna sunayenge

Sarkar ka dar hoga, ashkon ki jhadi hogi

Kuch haath na aaye ga, aqa se juda reh kar

Sarkar ki nisbat se toqeer barri hogi

Wo sheesha-e-dil gham se maila na kabhi hoga

Tasveer Madeene ki jis dil mein jhadi hogi

Ho jaaye jo wabasta sarkar ke qadmoun se

Har cheez zamane ki qadmoun mein pari hogi

Chaara na koi karna ek naat suna dena

Na-cheez Zahoori ki jab saans udi hogi