Vo Apne Kirdar Ki Zabani
Vo Apne Kirdar Ki Zabani
Vo apne kirdar ki zabani
Bataye Quran ke maani
Is aine mein Khuda ko dekho
Muhammad Mustafa ﷺ ko dekho
Samaaton par yaqeen karna
Dhoon ke andar hai rang bharna
Abad ki ankh bhi jis ko dekhen
Wo kohsaar-e-azal ka jharna
Jabeen-e-khair ul bashar se phootay
Yaqeen ehl e nazar se phootay
Fana ke putl bqa ko dekho
Muhammad Mustafa ﷺ ko dekho
Hazaron asma e mohtaram hain
Jo loh e tareekh par raqam hain
Wo khaak e pa bhi nahi Nabi ki
Wo sab akhatte bhi us se kam hain
Bare baron se bhi wo bara hai
Ufaq ke minbar pe wo khada hai
Khateeb arz o sama ko dekho
Muhammad Mustafa ﷺ ko dekho
Wo dast e rehmat daraz rakhey
Nigah e alam nawaz rakhey
Gunah apne ummati ko
Wo khalwton mein bhi baz rakhey
Dareecha roh se wo jhakey
Khule hain dar us pe har makan ke
Makeen dar ul huda ko dekho
Muhammad Mustafa ﷺ ko dekho
Har ek sans us ki zindagi ka
Hai ek minar roshni ka
Jareeda e waqt par hai kunda
Har ek lamha mire Nabi ka
Agar koi zat dayema hai
To sirf mire huzoor ki hai
Har ik sadi ki sada ko dekho
Muhammad Mustafa ﷺ ko dekho
Har ek farzand e arz e khaaki
Raha panahon mein Mustafa ki
Koi Arab ka koi Ajam ka
Na koi bad dil na koi shaki
Jo dars gah e Nabi se nikle
Ghulam bhi shah ban ke nikle
Mualim e irtqa ko dekho
Muhammad Mustafa ﷺ ko dekho
Qadam uthaye jahan pe rakh kar
Charagh se har nishan pe rakh kar
Khalai korhi ko bhi jo halwa
Khud apni nok e zuban pe rakh kar
Zamana laye nazar us ki
Falah insaan faqir us ki
Kamal hai jis ada ko dekho
Muhammad Mustafa ﷺ ko dekho