Us Ki Taraf Hua Jo Ishara Aliؓ Ka Hai
Us Ki Taraf Hua Jo Ishara Aliؓ Ka Hai
Us ki taraf hua jo ishara Aliؓ ka hai
Khaybar laraz raha hai keh naara Aliؓ ka hai
Imaan ki nazar se hi aaye ga yeh nazar
Manzar faza-e-dahr mein saara Ali ka hai
Jannat ki aarzoo hai phir aal-e-Nabiؐ se bughz
Jannat ka yeh nizaam to saara Aliؓ ka hai
Nok-e-sanaan pe charh ke jo karta raha kalaam
Zahraؓ ka laal raaj dilaara Aliؓ ka hai
Mere watan ke dushmanon baawar rahe tumhain
Parcham pe us ke chaand sitaara Aliؓ ka hai
Mushkil Khuda gawaah hai mushkil nahi rahi
Mushkil mein jab bhi naam pukara Aliؓ ka hai
As-haab ki toqeer ka jis ko raha khayaal
Bas jaan lo woh shakhs hi pyaara Aliؓ ka hai
Marhab se ja ke poochiye batlayega tumhain
Ruswa hai jag mein aaj bhi maara Aliؓ ka hai
Girdab mein Jaleel tu dartaa hai kis liye
Darya hai maujzan toh kinaara Aliؓ ka hai