Un Ki Mehak Ne Dil Ke Ghunche Khila Diye Hain
Un Ki Mehak Ne Dil Ke Ghunche Khila Diye Hain
Un ki mehak ne dil ke ghunche khila diye hain
Jis raah chal gaye hain kuche basa diye hain
Jab aagai hain josh-e-rehmat pe un ki aankhen
Jalte bujha diye hain rote hansa diye hain
Ik dil hamara kya hai azaar iska kitna
Tum ne to chalte phirte murde jila diye hain
Un ke nisar koi kaise hi ranj mein ho
Jab yaad aagay hain sab gham bhula diye hain
Hum se faqeer bhi ab phehri ko uthte honge
Ab to ghani ke dar par bistar jama diye hain
Asra mein guzray jis dam beyray pe qudsiyon ke
Honay lagi salami parcham jhuka diye hain
Ane do ya doobo do ab to tumhari janib
Kashti tumhein pe chhodi langar utha diye hain
Dulha se itna keh do pyare suwari roko
Mushkil mein hain barati purkhar badiye hain
Allah kya jahannam ab bhi na sard hoga
Roo roo ke Mustafa ne darya baha diye hain
Mere Karim se gar qatra kisi ne manga
Darya baha diye hain dur be baha diye hain
Mulk-e-sukhan ki shahi tum ko Raza musallam
Jis samt aa gaye ho sikkey bitha diye hain