Un Ki Chaukhat Ho To Kasa Bhi Pada Sajta Hai

Un ki chaukhat ho to kasa bhi pada sajta hai

Dar bara ho to sawali bhi khara sajta hai

Shahanshahoun ke muqaddar mein kahan zebai

Jis qadar un ki ghulami ka kara sajta hai

Yeh ghulami kahin kam tar nahi hone deti

Un ka naukar hoon to shahoun mein khara sajta hai

Sarwar-e-deen ke musalle pe khuda janta hai

Murtaza peeche ho Siddeeq khara sajta hai

Aise aaqa hon to laazim hai ghulami pe gharoor

Aisi nisbat ho to phir bol bara sajta hai

Kaan mein Hurr ke muqaddar ne yeh sargoshi ki

Tu nageena hai anguthi mein jura sajta hai

Moula Shabbir se khuda jane sakhi mehdi tak

Gulshan-e-Zahra ka har phool bara sajta hai

Dekh kar bole yeh Siddeeq o Umar Tayyba mein

Dosh-e-Sarkar pe Shabbir para sakta hai

Mujh se kehte hain yehi ahl-e-mohabbat Sarwar

Naat ka naghma tere lab pe bara sajta hai