Toseef-e-Nabi ﷺ Karne Wale Tareef-e-Khuda Hi Karte Hain

Toseef-e-Nabi ﷺ karne wale tareef-e-Khuda hi karte hain

Milad-e-Nabi ﷺ ki mehfil mein hum hamd-e-Ilahi karte hain

Mahboob-e-Khuda un logon ki khud pusht panahi karte hain

Jo zikr-e-Ilahi karte hain jo hamd-e-Ilahi karte hain

Ye arz o sama ye shams o qamar ye hoor o malak ye jin o bashar

Har waqt zaban se apni bayan tauheed-e-Ilahi karte hain

Munn in ka ujala rehta hai duniya mein, lahd mein, uqba mein

Uth uth kar andheri raato mein jo yaad-e-Ilahi karte hain

Tauheed-e-Ilahi manzil baab-e-nabwi se kar hasil

Eeman ata har Muslim ko mahboob-e-Ilahi karte hain

Bakhshai ke na bakhshai tu yarab hai fard-e-amal tere aage

Khud apni beyaaz-e-asyan par hum apni gawahi karte hain

Islam mitana chahte hain tauheed ke dushman duniya se

Barbaad inhein karde yarab barpa jo tabahi karte hain

Aamaal hussan kuch paas nahi yun umar basar hoti hai ziya

Ya naat-e-Muhammad ﷺ likhte hain ya hamd-e-Ilahi karte hain