Tooba Mein Jo Sab Se Oonchi Naazuk Seedhi Nikli Shaakh

Tooba mein jo sab se oonchi naazuk seedhi nikli shaakh

Maangon naat Nabi likhne ko rooh-e-Qudus se aisi shaakh

Maulaa gulbun, Rehmat-zehra, Sibtain us ki kaliyan phool

Siddiq-o-Farooq-o-Usman, Haider har ik us ki shaakh

Shaakh-e-qaamat shah mein zulf-o-chashm-o-ruKhsar-o-lab hain

Sunbul, nargis, gul, pankhriyan Qudrat ki kya phooli shaakh

Apne in baghon ka sadaqa wo rehmat ka pani de

Jis se nakhl-e-dil mein ho paida pyare teri wila ki shaakh

Yaad-e-ruKKh mein aahen kar ke ban mein main roya aayi bahaar

Jhoomen naseemen, naysan barsa, kaliyan chaTakin, meheki shaakh

Zaahir-o-batin awwal-o-aakhir zeb furoo-o-zain-usool

Bagh-e-Risalat mein hai tu hi gul, ghancha, jar, patti shaakh

Aal-e-Ahmed khuz biyadi ya Sayyid Hamza kun madadi

Waqt-e-Khizan-e-umar Raza ho barg-e-huda se na aari shaakh