Tere Andar Khuda Muhammadؐ Aur Quran Bhara Tha
Tere Andar Khuda Muhammadؐ Aur Quran Bhara Tha
Tere andar Khuda Muhammadؐ aur Quran bhara tha
Teri haddiyon ke gode tak mein imaan bhara tha
Sab se pehle Kaabe ne teri awaaz suni thi
Teri pehli saanson ne deewar-e-din chuni thi
Jis ke jism se aati rehti khushboo bheni bheni
Barson hasil rahi tujhe uski aaghosh nashini
Sab se pehle jo Imaan Nabiؐ par laya tu tha
Kaise na tha Nabiؐ ka saaya, Nabiؐ ka saaya tu tha
Ahel apni Zulfiqar ka tujh ko Sarkar ne samjha
Un ke zaavio ka matlab teri parkaar ne samjha
Fath-e-Khyber ka parcham bhi diya Rasoolؐ ne tujh ko
Jhuk kar kiya salaam hamesha har usool ne tujh ko
Bhuk chamak kar tere andar roshniyan kar deti
Jo ki roti tere baazuoN mein bijli bhar deti
Mohar-e-Muhammadؐ sabt thi teri subahoN par shaamoN par
Tera naam likha hai ma'rafatoN ke ehramoN par
Ilm ka shehar Muhammadؐ aur is shehar ka darwaza tu
Chaudah sadiyoN baad bhi hai kitna taza taza tu
Arsh-e-Mualla tak jati thi teri khushboo Maula
Nabiؐ ne khud farmaya, jiska main uska tu Maula
Hijrat ki shab bhai ke bistar par tu ja leta tha
Deen bachaya nana ka jis ne, tera beta tha
Makhmal ko sharmati, tere jism ki chaadar soti
Aankh aqabi, zehan aafaqi, awaazein malakuti
Sachai hai fareefta tujh par, haq saath hai tere
ShahadatoN ke bazaroN ki raunaq saath hai tere
Ae mitti ke baap, tere qadamooN ki mitti sona
Yahi sunehri mitti mera oRhna mera bichhona