Tera Mujrim Aaj Haazir Ho Gaya Darbaar Mein

Tera mujrim aaj haazir ho gaya darbaar mein

Thokrein kha kha ke aa poncha teri sarkar mein

Jis mein dil basta hai woh duniya Madinah hi to hai

Dil mein kooye yaar hai aur dil hai kooye yaar mein

Us ki be misli mein kya shak 'ek hai woh ek hai

Yeh bhi ek be misl hai kasrat ke laalay zar mein

Dosto! Aaqa humara jaamia-e-awsaf hai

Wasf sab nabiyo ke hain ek Ahmad-e-Mukhtar mein

Aa gaya jo dar pe tere woh nahi khaali Phira

Kya kami aaqa tere darbaar-e-goharbaar mein