Tasavvur-e-dar-e-kaaba Mein Woh Maza Hai Ke Bas

Tasavvur-e-dar-e-kaaba mein woh maza hai ke bas

Woh lutf-e-sajda Madina mein aa gaya hai ke bas

Khuda ke baad Muhammad ka naam aata hai

Sabaq zabaan ko woh dil ne parha diya hai ke bas

Dar-e-Nabi pe musarrat ke aansuon ke siwa

Woh sail-e-ashk-e-nadamat ka silsila hai ke bas

Kaleed-e-khuld to be shag, hai itaa’at-e-Rasool

Magar Khuda ne woh musda suna diya hai ke bas

Nafas nafas hai piye naat-e-Mustafa ya ro

Darood itna mujhe raas aa gaya hai ke bas

Shoor-e-naat nigari ata kiya hai mujhe

Khuda ne Hamd ka aisa sila diya hai ke bas

Hamara deen to Islam hai magar Akhgar

Nabi-e-khatm-e-Rasool bhi to woh mila hai ke bas