Takhleeq Ka Unwan Hain Sarkar-e-doaalamﷺ

Takhleeq ka unwan hain Sarkar-e-DoAalamﷺ

Tauheed ka armaan hain Sarkar-e-DoAalamﷺ

Zaat un ki saraapay karam aayah-e-Rehmat

Sarmaya-e-Emaan hain Sarkar-e-DoAalamﷺ

Khamoshi mein asrar-e-Resalat ke nigehbaan

Guftaar mein Quran hain Sarkar-e-DoAalamﷺ

Mahshar mein har ik simt se mayoos dilon ki

Taskeen ka samaan hain Sarkar-e-DoAalamﷺ

Dekhe to koi azmat o taqeer bashar ki

Allah ke mehmaan hain Sarkar-e-DoAalamﷺ

Jo aur kisi ko bhi Zahoori na mile ga

Wo rutba zeeshan hain Sarkar-e-DoAalamﷺ