Tabhi Dil Mein Sarayat Hai, Ali Humdam Ali Hast
Tabhi Dil Mein Sarayat Hai, Ali Humdam Ali Hast
Tabhi dil mein sarayat hai, Ali humdam Ali hast
Fasahat hai balaaghat hai, Ali humdam Ali hastam
Qayamat se nahi darta mujhe nisbat Ali se hai
Ali umeed-e-rahat hai, Ali humdam Ali hastam
Use milti hai jannat bhi, use irfaan milta hai
Jise un ki himayat hai, Ali humdam Ali hastam
Ali ka naam le lena, Ali ka jaam pi lena
Malangon ki itaat hai, Ali humdam Ali hastam
Ali ko saans mein pa kar, utaara dil ki basti mein
Yahi meri ibadat hai, Ali humdam Ali hastam
Mawaddat aal se rakh kar inhi ke gham mein ro lena
Mujhe shauq-e-rafaqat hai, Ali humdam Ali hastam
Jahan us gham gusar-e-dil figaraan se amaan paaye
Jo sardar-e-wilayat hai, Ali humdam Ali hastam
Nigah-e-be nigahan hai, panah-e-be panahan hai
Isi ki dil mein ulfat hai, Ali humdam Ali hastam
Qarar-e-be quaraan hai, Ali dilbar Ali rehbar
Ali kaamil ibadat hai, Ali humdam Ali hastam
Jise Maula ki chahat hai usi ke dil mein nudrat hai
Isi ke dil mein rahat hai, Ali humdam Ali hastam
Mujhe khairat mein qaim, sakhnawar haath bakhshe hain
Yeh, kya husn-e-inayat hai, Ali humdam Ali hastam