Taab-e-miraat-e-sehr Gard-e-biyaaban-e-arab
Taab-e-miraat-e-sehr Gard-e-biyaaban-e-arab
Taab-e-miraat-e-sehr gard-e-biyaaban-e-Arab
Gaazah-e-rooye qamar dood-e-chiragaan-e-Arab
Allah Allah bahaar-e-chamanistaan-e-Arab
Paak hain los-e-khazaan se gul o reihan-e-Arab
Joshish abr se khoon-e-gul-e-firdaus kare
Chhed de rag ko agar khaar-e-biyaaban-e-Arab
Tishna-e-nehr-e-jinaan har Arabi-o-Ajami!
Lab har nehr-e-jinaan tishna-e-neesaan-e-Arab
Took-e-gham aap hawaaye par-e-qamri se gare
Agar azad kare sarv-e-khiraamaan-e-Arab
Mehr meeran mein chhupa ho to hamaal mein chamke
Daale ik boond shab-e-de mein jo baaran-e-Arab
Arsh se mujda-e-Balqeis-e-shafaat laaya
Tair sidra nasheen murgh-e-Suleman-e-Arab
Husn-e-Yusuf pe katein Misr mein angusht-e-zanaan
Sar kataate hain tire naam pe mardaan-e-Arab
Kocha kocha mein mehakti hai yahan booye qamees
Yusufistan hai har ik gosh-e-Kan'aan-e-Arab
Bazm-e-qadsi mein hai yaad-e-lab jaan bakhsh Huzoor
Aalam-e-noor mein hai chashma-e-hayvaan-e-Arab
Paaye Jibreel ne Sarkaar se kya kya alqabi
Khusro khail-e-malik, khaadim-e-Sultan-e-Arab
Bulbul o neel par o kabk bano porwano!
Meh o khorsheed pe hanstey hain chiragaan-e-Arab
Hoor se kya kahe Musa se magar arz karein
Ke hai khud husn-e-azal talib jaanan-e-Arab
Karim-e-naat ke nazdik to kuch door nahi
Ke Raza-e-Ajami ho sag-e-Hassaan-e-Arab