Subha-e-Milad-un-Nabi Hai Kya Suhana Noor Hai
Subha-e-Milad-un-Nabi Hai Kya Suhana Noor Hai
Subha-e-Milad-un-Nabi hai kya suhana noor hai
Aa gaya woh noor wala jis ka sara noor hai
Bazm-e-Taybah kaisi noorani hai, kitna noor hai
Noor hai phir noor kis ka jo sarapa noor hai
Arsh noori, farsh noori, zarra zarra noor hai
Noor ka darbar hai, har simt chhaya noor hai
Dali dali noor ki hai pata pata noor hai
Gul khile hain noor ke gulshan mein mehka noor hai
Main tehi daman hoon Data tere ghar ka noor hai
La ulat de aaj is daman mein jitna noor hai
Jagmaga uthe hain arsh-o-farsh-o-kursi noor se
Allah Allah kya chamak, kya roshni, kya noor hai
Jazb hai har chashm beena mein isi saaye ka noor
Noor ka saaya nazar kya aaye saaya noor hai
Tujh se payi hai tajalli chashm-e-mehr-o-maah ne
Tu woh tara hai ke a'ala noor wala noor hai
Jis ne jo kuch noor paya, sab teri Sarkar se
Noor ki Sarkar ka, tu sab se pehla noor hai
Is taraf bhi ek nigaah-e-noor ae Noor ilah
Main sarapa masiyat hoon tu sarapa noor hai
Ae munawwar, ek meri hi nazar par bas nahi
Har nazar har aankh ke parde mein us ka noor hai