Soz-e-dil Chahiye ' Chashm-e-nam Chahiye Aur Shauq-e-talab Mo' Tabar Chahiye

Soz-e-dil chahiye ' chashm-e-nam chahiye aur shauq-e-talab mo' tabar chahiye

Hon mayasar madine ki galliyan agar ' aankh kafi nahi hai nazar chahiye

Unki mehfil ke adaab kuch aur hain ' lab kushai ki jurat munasib nahi

Unki sarkar mein iltija ke liye junbush-e-lab nahi ' chashm-e-tar chahiye

Apni rudad gham mein sunaon kise ' mere dukh ko koi aur samjhe ga kya?

Jis ki khaak-e-kadam bhi hai khaak-e-shifa mere zakhmon ko woh charagar chahiye

Ronqain zindagi ki bohot dekh lein ' ab mein aankhon ka apni karunga bhi kya

Ab na kuch deedni hai ' na kuch guftani ' mujhko aqaﷺ ki bas ek nazar chahiye

Mein gada-e-dar-e-shah-e-konain ﷺ hon ' sheesh mehlon ki mujhko tamanna nahi

Ho mayasar zameen par keh zair-e-zameen ' mujhko Tayba mein ek apna ghar chahiye

In naye raston ki nai roshni hum ko raas aayi hai aur na raas aaye gi

Hum ko khoi hui roshni chahiye ' hum ko aain-e-khair-ulbashar ﷺ chahiye

Gosha gosh madine ka pur noor hai ' sara mahol jalwon se maamoor hai

Shart ye hai keh zarf-e-nazar chahiye ' dekhne ko koi deedawar chahiye

Madhat-e-shah-e-kon o makan ke liye sirf lafz o bayan ka sahara na lo

Fann-e-shairi hai Iqbal apni jagah ' naat kehne ko khoon-e-jigar chahiye