Shukr Khuda Keh Aaj Ghari Us Safar Ki Hai
Shukr Khuda Keh Aaj Ghari Us Safar Ki Hai
Shukr Khuda keh aaj ghari us safar ki hai
Jis par nisar jaan falah o zafar ki hai
Garmi hai tap hai dard hai kulfat safar ki hai
Nashukri yeh to dekh azeemat kidhar ki hai
Kis khaak-e-paak ki tu bani khaak-e-pa shifa
Tujh ko qasam janab-e-masihah ke sar ki hai
Aab-e-hayat rooh hai zarqa ki boond boond
Aksir a'zam mas dil khaak-e-dar ki hai
Hum ko to apne saaye mein aaram hi se laaye
Heele bahanay walon ko yeh raah dar ki hai
Luttay hain maare jaatay hain yun hi suna kiye
Har baar di woh aman keh ghairat hazar ki hai
Woh dekho jagmagati hai shab aur qamar abhi
Pehron nahi keh bast o charum safar ki hai
!Mah-e-Madina apni tajalli ata kare
Yeh dhalti chandni to pehar do pehar ki hai
Man zara turbati wajabat lahu shafā'ti
Un par darood jin se naveed in bashar ki hai
Is ke tufail hajj bhi khuda ne kara diye
Asl-e-murad haziri is paak dar ki hai
Kaaba ka naam tak na liya Taiba hi kaha
Poocha tha hum se jis ne keh nahzat kidhar ki hai
Kaaba bhi hain inhin ki tajalli ka aik zil
Roshan inhin ke aaks se putli hajr ki hai
Hote kahan Khaleel o bina kaaba o mina
Lolak wale sahib, sab tere ghar ki hai
Maula Ali ne waari teri neend par namaz
Aur woh bhi asar sab se jo a'la khatar ki hai
Siddique balke ghar mein jaan is pe de chuke
Aur hifz-e-jaan to jaan faroz-e-gharar ki hai
Haan tu ne unhein jaan inhein pher di namaz
Par woh to kar chuke the jo karni bashar ki hai
Saabit hua keh jumla faraa'iz faroo' hain
Asl al-usul bandagi is tajwar ki hai
Shar khair shor sor sharr door naar noor!
Bashra keh bargah yeh khair al-bashar ki hai
Mujrim bulae aaye hain jaauka hai gawah
Phir rad ho kab yeh shan karimon ke dar ki hai
Bad hain magar unhin ke hain baghi nahi hain hum
Najdi na aaye is ko yeh manzil khatar ki hai
Taf Najdiyat na kufr na Islam sab pe harf
Kafir idhar ki hai na udhar ki udhar ki hai
Hakim hakeem daad o dawa dein yeh kuch na dein
Mardood yeh muraad kis aayat, khabar ki hai
Shakal bashar mein noor-e-ilahi agar na ho!
Kya qadr us khameeryeh maa o madar ki hai
Noor-e-ilah kya hai muhabbat habib ki
Jis dil mein yeh na ho woh jagah khook o khar ki hai
Zikr Khuda jo un se juda chaho najdiyo!
Wallah zikr-e-haq nahi kunji saqar ki hai
Be un ke waasta ke Khuda kuch ata kare
Hasha ghalat ghalat yeh havas be basar ki hai
Maqsud yeh hain Adam o Nuh o Khaleel se
Tukhm-e-karam mein saari karamat samar ki hai
Un ki nabuwat un ki abuwat hai sab ko aam
Umm al-bashar aroos unhin ke pisar ki hai
Zahir mein mere phool haqeeqat mein mere nakhl
Is gul ki yaad mein yeh sada Bual Bashar ki hai
Pehle ho un ki yaad ke paye jila namaz
Yeh kehti hai azaan jo pichlay pehar ki hai
Dunya mazaar hashar jahan hain ghafoor hain
Har manzil apne chaand ki manzil ghufar ki hai
Un par durood jin ko Hajr tak karein salaam
Un par salaam jin ko t’hiyyat shajar ki hai
Un par durood jin ko kis-e-bekasaan kahein
Un par salaam jin ko khabar be khabar ki hai
Jinn o bashar salaam ko haazir hain al-salaam
Yeh baargaah maalik-e-jinn o bashar ki hai
Shams o qamar salaam ko haazir hain al-salaam
Khoobi unhein ki joat se shams o qamar ki hai
Sab bahr o bar salaam ko haazir hain al-salaam
Tamlik unhein ke naam to har bahr o bar ki hai
Sang o shajar salaam ko haazir hain al-salaam
Kalma se tar zubaan darakht o hajar ki hai
Arz o asar salaam ko haazir hain al-salaam
Malja yeh baargaah dua o asar ki hai
Shoreeda sar salaam ko haazir hain al-salaam
Rahat unhein ke qadamoun mein shoreeda sar ki hai
Khasta jigar salaam ko haazir hain al-salaam
Marham yehin ki khaak to khasta jigar ki hai
Sab khushk o tar salaam ko haazir hain al-salaam
Yeh jalwa gaah maalik-e-har khushk o tar ki hai
Sab kurr o far salaam ko haazir hain al-salaam
Topi yehin to khaak pe har kurr o far ki hai
Ahl-e-nazar salaam ko haazir hain al-salaam
Yeh gard hi to surma sab ahl-e-nazar ki hai
Aansoo baha ke beh gaye kaale gunah ke dhaer
Haathi doobao jheele yahaan chashm-e-tar ki hai
Teri qaza khaleefa-e-ahkaam-e-zi-ljalal
Teri raza haleef qaza o qadar ki hai
Yeh pyari pyari kiyaari tere khaana baagh ki
Sard is ki aab o taab se aatish saqar ki hai
Jannat mein aake naar mein jata nahin koi
Shukr-e-Khuda naveed nijaat o zafar ki hai
Momin hoon, momino pe ra'oof o raheem ho
Sa'il hoon, sa'ilon ko khushi la nahr ki hai
Daman ka waasita mujhe us dhoop se bacha
Mujh ko to shaak jaadon mein is dopehr ki hai
Maan, dono bhai, bete, bhatije, azeez, dost
Sab tujh ko sonpe milk hi sab tere ghar ki hai
Jin jin muraadon ke liye ahbaab ne kaha
Pesh-e-Khabeer kiya mujhe haajat khabar ki hai
Fazl-e-Khuda se ghaib-e-shahaadat hua unhein
Is par shaadat ayat o wahi o asar ki hai
Kehna nah kehne waale the jab se tu ittila
Moula ko qoul o qa'il o har khushk o tar ki hai
Un par kitaab utari bayanan likulli shay
Tafseel jisme ma 'abar o ma ghabar ki hai
Aage rahi atta woh biqadar-e-talab to kya
Aadat yahaan umeed se bhi bishtar ki hai
Be maange dene waale ki ni'mat mein gharg hain
Maange se jo mile kise fahm is qadar ki hai
Ahbaab is se barh ke to shaayad na paayein arz
Na karda arz arz yeh tarz-e-digar ki hai
Dandan ka na'at khawan hoon nah paayab hogi aab
Naddi galay galay mere aab-e-guhar ki hai
Dasht-e-Haram mein rehne de sayyaad agar tujhe
Mitti azeez bulbul-e-bay-baal o par ki hai
Ya Rab! Raza na Ahmed-e- pareena ho ke jaaye
Yeh baargaah tere Habeeb-e-abar ki hai
Tawfeeq de ke aage nah paida ho khoye bad
Tabdeel kar jo khaslat-e-bad pesh-tar ki hai
Aa kuch suna de ishq ke bolon mein, ae Raza!
Mushtaq tab' lazzat-e-sooz-e-jigar ki hai