Shahsawar-e-Karbala Ki Shahsawari Ko Salam
Shahsawar-e-Karbala Ki Shahsawari Ko Salam
Shahsawar-e-Karbala ki shahsawari ko salam
Shahsawar Karbala ki shahsawari ko salam
Shahsawar Karbala ki shahsawari ko salam
Neze pe Quran pardne wale qari ko salam
Raat din bichrre huon ki raah mein rehna kharrde
Hazrat-e-Sughra tumhari intizari ko salam
Sar se chaddar chhin gayi lekin nazar uthi nahi
Hazrat-e-Zainab tumhari parda dari ko salam
Muskuraate tegh pe roshan kiya rangeen charagh
Akbar o Qasim tumhari jaan nisari ko salam
Kanp utha arsh ka dil aasmaan thar-ra gya
Asghar-e-masoom teri beqarari ko salam
Katt gya kanba museebat sar pe aai, lut gayi
Ho gayi bhai bhatijon se judaai, lut gayi
Umr bhar ki dasht-e-ghurbat mein kamai lut gayi
Ro ke jab kehti thi Zainab haaye bhai lut gayi
Ghar Ali ka kya lutta saari khudai lut gayi
Har imtihan mein sabir o shakir rahe Hussain
Koah-e-alam uthane ko haazir rahe Hussain
Dhokay se Kofiyon ne bula kar sitam kiya
Mehmaan-e-bewatan ko bula kar sitam kiya
Khaima laga na nehr pe Ahmad ki aal ka
Paani bhi band kar diya Zahra ke laal ka
Lashon ko bhanjon ki lahoo mein saja ke laye
Tootay huay behisht ke tare utha ke laye
Aaya kisi ko paas na rooh-e-Rasool ka
Gul kar diya charagh mazaar-e-Batool ka
Qasim ki maut tord gayi aas, uff na ki
Pyaase shaheed ho gaye Abbas uff na ki
Sookhay gale pe teer laga khoon mein bhar gaye
Akbar tadapte kanpte haathon mein mar gaye
Shahsawaaar Karbala ki shahsawari ko salam
Shahsawaaar Karbala ki shahsawari ko salam