Shab Ko Bhi Jahan Laakhon Khursheed Nikalte Hain
Shab Ko Bhi Jahan Laakhon Khursheed Nikalte Hain
Shab ko bhi jahan laakhon khursheed nikalte hain
Aao ke dar-e-shah-e-lolak pe chalte hain
Ek main hi nahi khata khairaat madine ki
Sab shah o gada un ki khairaat pe palte hain
Kya naam hai rakha apne mehboob ka khaaliq ne
Is naam ki barkat se haalaat badalte hain
Barhhte hain sitare bhi kashkol-e-shuaon se
Jab gumbad-e-khazra se anwaar nikalte hain
Ek naam Muhammad hi hai wajah-e-sukoon Nasir
Kuch log na jane kyun is naam se jalte hain