Seerat O Kirdar Dete Hain Shahadat Aap Ki

Seerat o kirdar dete hain shahadat aap ki

Chaar soo tabaan jahan mein hai sadaqat aap ki

Zindagani ka saleeqa aap ne batla diya!

Noo-e insaan par hai be paayaan inayat aap ki

Aap ke afkaar to Qur'an ki tafseer hain

Baais-e rehmat zamane mein risaalat aap ki

Millat-e baiza ki azmat aap ki taleem mein

Kamyabi ki dalaalat hai shariat aap ki

Jhooliyan bharte rahe mohtaaj bhi, maskeen bhi

Ba-Khuda itni farawan thi sakhaawat aap ki

Karwan-e fikr ka jaada jahan-e shauq mein

Manzil-e maqsood ka rasta hidayat aap ki

Kesa dil mein chhupa lo gohar-e tauheed ko

Zindagani ka asaasa ye amanat aap ki