Sar Ta Baqadam Hai Tan Sultan-e-zaman Phool
Sar Ta Baqadam Hai Tan Sultan-e-zaman Phool
Sar ta baqadam hai tan sultan-e-zaman phool
Lab phool dahan phool zaqan phool badan phool
Sadqay mein tiray bagh to kya laye hain "ban" phool
Is ghuncha-e-dil ko bhi to eima ho ke ban phool
Tinka bhi hamaray to hilaaye nahi hilta
Tum chaho to ho jaye abhi koh-e-mehn phool
Wallah jo mil jaye meray gul ka paseena
Mangay na kabhi itr na phir chahe dulhan phool
Dil basta o khoon gushta na khushbu na latafat
Kyun ghancha kahoon hai meray aaqa ka dahan phool
Shab yaad thi kin danton ki shabnam ke dam-e-subah
Shokhan-e-bahari ke jurao hain karan phool
Dandan o lab o zulf o rukh-e-shah ke fidaai
Hain dur-e-adn, laal-e-yaman, mushk-e-khitan phool
Bo ho ke nihan ho gaye tab-e-rukh-e-shah mein
Lo ban gaye hain ab to haseenon ka dahan phool
Hon baar-e-gunah se na khajal dosh-e-azezaan
Lillah meri naash kar ae jaan-e-chaman phool
Dil apna bhi shidai hai is naakhun-e-paa ka
Itna bhi meh-e-no par na ae charkh kuhan! phool
Dil khol ke khoon ro le gham-e-aariz-e-shah mein
Niklay to kahin hasrat-e-khoon naaba shudan phool
Kya ghaza mila gard-e-Madina ka jo hai aaj
Nikhre hue jo ban mein qayamat ki phaban phool
Garmi yeh qayamat hai ke kaantay hain zabaan par
Bulbul ko bhi ae saaqi-e-sahba o laban phool
Hai kaun ke girya kare ya fatiha ko aaye
Bekas ke uthaaye teri rehmat ke bharan phool
Dil gham tujhe ghiray hain khuda tujh ko woh chamkaye
Sooraj tere khirman ko banay teri karan phool
Kya baat Raza us chamanistan-e-karam ki
Zahra hai kali jis mein Husain aur Hasan phool