Sar-e-Mehfil Karam Itna Mare Sarkar Ho Jae

Sar-e-Mehfil karam itna mare sarkar ho jae

Nigahain muntazir reh jaein aur didar ho jae

Tasawwur mein teri har shai pe yun nazrain jamata hoon

Na jane kaun si shai mein tera didar ho jae

Ghulam-e-Mustafa ban kar mein bik jao Madine mein

Mohammad naam pe sauda sar-e-bazaar ho jae

Sambhal kar paon rakhna hajiyo sheher-e-Madina mein

Kahin aisa na ho sara safar bekaar ho jae

Fana itna to ho jaoon mein teri zaat ali mein

Jo mujh ko dekh le us ko tera didar ho jae

Tujhe manzoor hai parda mujhe paas-e-adab warna

Mein jab chahoon jahan chahoon tera didar ho jae

Habeeb is haal se abtar bhi haal-zaar ho jae

Jo hona ho so ho jae magar didar ho jae