Sahib-at-Taaj Wo Shah-e-Meraaj Wo Shehsawar-e-Buraaq O Ameer-e-Alam

Sahib-at-taaj wo Shah-e-Me'raaj wo Shehsawar-e-Buraaq o Ameer-e-Alam

Daafi-e-har bala daafi-e-har waba daafi-e-qahat o Amraaz o Ranj o Alam

Ism likha gaya Ism ooncha hua Ism mohar qubool Shafa'at bhi hai

Ism ki Barkatein, Ism ki Ronaqein, Ism loh o qalam ki amanat bhi hai

Kya Arab Kya Ajam sab ke Sardar hain sab ke Sardar ka hai Muqaddas badan

Haram o Kaaba ko jo munawwar kare wo mehakta wo pakeeza si ek Kiran

Chaashat gaahoon ka sooraj wujood aap ka, aap har Shab ki zulmat ke Mehtaab hain

Sadr bazm Bulandi o Rif'at ke hain rehguzar hidayat ke Mehtaab hain

Saari Makhlooq ki hain wo jaaye amaan saari tareekiyon ke wo roshan charaagh

Naik teinet hain wo naik atwaar hain unke haathon mein baksheeshon ke Ayaagh

Sar se Pairon talak wo karam hi karam, Rab hifazat kare bal yaqin aap SAW ki

Un ke Khidmat guzaaron mein Jibreel hain aur sawaari Buraaq haseen, Aap SAW ki

Safar un ka hai Me'raaj aur Sidratul Muntaha mustaqarr aur Maqaam un ka hai

Qaab-e-Qosain ka martaba un ka matloob hai aur Daar-us-Salaam un ka hai

Aur Matloob hi un ka Maqsood hai aur Maqsood hi un ka moojood hai

Aap saare Rasoolon ke Sardaar hain aap ka sirf Allah Ma'bood hai

Baad mein saare Nabi'yon ke aaye hain wo bakshowayein ge har ik gunahgar ko

Har musaafir ki karte hain gham khwariyaan Rahmatain baant'tay hain wo sansaar ko

Aashiqon ke dillon ki wo taskeen hain aur muraaden har ik Sahib-e-Shaoq ki

Haq shinaas ke Khorshid o Khawher hain wo Salkin-e-Reh-e-Ishq ki Roshni

Pyaar Mohtaaj o Muflis se Miskeen se har Muqqarrab ki wo rehnumai karen

Jinn o Insaan ke Sardaar dono haram dono Qiblon ki wo Paishwai karen

Duniya aur Aakhirat ka waseela hain wo, Rutba-e-Qaab-e-Qosain jin ko mila

Dono hi Mashriqon Maghribon ka wo Rab haasil un ko Khitaab uske Mehboob ka

Jadd-e-Amjad hain Hasnain ke aur har Jinn o Insaan ke Aaqa o Maula hain wo

Baap Qasim ke betay hain Abdullah ke aur Noor-e-Ilahi ka hissa hain wo

Ae Fidayaan-e-Noor-e-Jamal-e-Nabi SAW aap SAW par Aal o As'haab par subh o shaam

Jaise haq bhejne ka hai bhejo ba-sad ehtiraam o muhabbat darood o salaam