Sahara Chahiye Sarkar ﷺ Zindagi Ke Liye
Sahara Chahiye Sarkar ﷺ Zindagi Ke Liye
Sahara chahiye Sarkar ﷺ zindagi ke liye
Tadap raha hoon Madine ki hazri ke liye
Huzoor ﷺ aisa koi intizam ho jaye
Salam ke liye hazir ghulam ho jaye
Naseeb walon mein mera bhi naam ho jaye
Jo zindagi ki Madine mein shaam ho jaye
Main shad shad maroonga agar dam aakhir
Zuban pe jari Muhammad ﷺ ka naam ho jaye
Wo bazm khaas jo darbar aam ho jaye
Umeed hai ke hamara salaam ho jaye
Idhar bhi ek nigah lutf aam ho jaye
Ke aashiqon mein hamara bhi naam ho jaye
Tere ghulam ki shaukat jo dekh le Mahmood
Abhi Ayaz ki soorat ghulam ho jaye
Main qail aap ﷺ ke roza ka wo qail Tor
Kaleem se na kisi din kalaam ho jaye
Madine jaun dobara phir aaun phir jaun
Tamam umr isi mein tamam ho jaye
Bulao jald Madine mein hai Ameer ko khauf
Kahin na umr do rozah tamam ho jaye
Tumhari naat parhoon main sunoon likhoon har dam
Yeh zindagi meri yu nahi tamam ho jaye
Meri namaz janazah ki yu imamat ho
Ke do jahan ke Aaqa ﷺ imam ho jayein
Piya Raza o Zia ne piya jo murshid ne
Ata mujhe bhi sheha aisa jaam ho jaye