Saf Basta The Arab Ke Jawanan Tegh Band
Saf Basta The Arab Ke Jawanan Tegh Band
Saf basta the arab ke jawanan tegh band
Thi muntazir hina ki aroos zameen shaam
Ek nojawan soorat seebab muztarib
Aa kar huwa ameer asaakr se hum kalaam
Ae bu ubaidah rukhsat e paikar de mujhe
Labrez ho gaya mere sabr o sukoon ka jaam
Betaab ho raha hoon firaaq e Rasool ﷺ mein
Ek dum ki zindagi bhi muhabbat mein hai haraam
Jata hoon mein huzoor e Risaalat panah ﷺ mein
Le jaon ga khushi se agar ho koi payaam
Yeh zauk o shauq dekh ke parnam hui woh aankh
Jis ki nigah thi sifat tegh e be nemaam
Bola ameer e fauj ke woh nojawan hai tu
Peeron pe tere ishq ka wajib hai ehtram
Poori kare khudae Muhammad ﷺ teri muraad
Kitna buland teri muhabbat ka hai maqam
Pohanche jo baargaah e Rasool ﷺ mein mein toh
Karna yeh arz meri taraf se pas az salam
Hum pe karam kiya hai khudae ghyur ne
Poore hue jo waade kiye the Huzoor ﷺ ne