Rukh Din Hai Ya Mehr-e-sama Yeh Bhi Nahin Woh Bhi Nahin

Rukh din hai ya mehr-e-sama yeh bhi nahin woh bhi nahin

Shab zulfa ya mushk-e-khata yeh bhi nahin woh bhi nahin

Mumkin mein yeh qudrat kahan, wajib mein abdiat kahan

Hairaan hoon yeh bhi hai khataa yeh bhi nahin woh bhi nahin

Haq yeh ke hain abd-e-Allah aur ‘aalam-e-imkaan ke shaah

Barzakh hain woh sirr-e-Khuda yeh bhi nahin woh bhi nahin

Bulbul ne gul un ko kaha, qumri ne sarv-e-jaan-faza

Hairat ne jhanjhala kar kaha yeh bhi nahin woh bhi nahin

Khurshid tha kis zor par, kya barh ke chamka tha qamar

Be-parda jab woh rukh hua yeh bhi nahin woh bhi nahin

Dar tha ke ashiyaan ki saza ab ho gi ya roz-e-jaza

De un ki rehmat ne sada yeh bhi nahin woh bhi nahin

Koi hai naazaan zuhud par ya husn-e-tubah hai sirr

Yaan hai faqat teri ata yeh bhi nahin woh bhi nahin

Din lahw mein khona tujhe, shab subh tak sona tujhe

Sharm-e-Nabi khauf-e-Khuda yeh bhi nahin woh bhi nahin

Rizq-e-Khuda khaya kya, farman-e-Haq taala kya

Shukar-e-karam tars-e-saza yeh bhi nahin woh bhi nahin

Hai bulbul rangeen Raza ya tooti naghmaa-sara

Haq yeh ke waasif hai tera yeh bhi nahin woh bhi nahin