Rok Leti Hai Aap Ki Nisbat Teer Jitne Bhi Hum Pe Chalte Hain

Rok leti hai aap ki nisbat teer jitne bhi hum pe chalte hain

Yeh karam hai Huzoor ka hum pe, aane wale azaab talte hain

Apni auqaat sirf itni hai kuch nahi baat sirf itni hai

Kal bhi tukron pe un ke palte the ab bhi tukron pe un ke palte hain

Wo hi bharte hain jholiyan sab ki wo samajhte hain boliyan sab ki

Aao bazar-e-Mustafaﷺ ko chalain khotay sikke wahi pe chalte hain,

Ab koi kya humein giraaye ga har sahara gale lagaye ga

Hum ne khud ko gira diya hai wahan, girne wale jahan sambhalte hain

Dil ki hasrat wo poori farmaain is tarah Taybah mujh ko bulwaain

Mere murshid ye mujh se farmaain aao Taybah nagar ko chalte hain

Un ke darbaar ke ujaalon ki rufatain be-hisaab hain Khalid

Yeh ujaale kabhi na simtenge yeh woh suraj nahi jo dhalte hain