Rehmat Baras Rahi Hai Muhammad Ke Shehr Mein

Rehmat baras rahi hai Muhammad ke shehr mein

Har shai mein tazagi hai Muhammad ke shehr mein

Har aik bhar raha hai yahan daaman-e-muraad

Makhlooq aa rahi hai Muhammad ke shehr mein

Dolat sukoon ki har jagah hum dhoondte rahe

Aakhir yeh mil gayi hai Muhammad ke shehr mein

Har simt aa rahi hain sadaaein darood ki

Ik dhoom si machi hai Muhammad ke shehr mein

Aisa laga ke samne khud aa gaye Huzoor

Ik naat jab parhi hai Muhammad ke shehr mein

Roshan hain jis ke noor se dono jahan Riaz

Aisi shama jali hai Muhammad ke shehr mein