Rahi Umr Bhar Jo Anees-e-jaan Wo Bas Aarzoo-e-nabiؐ Rahi

Rahi umr bhar jo anees-e-jaan wo bas aarzoo-e-Nabiؐ rahi

Kabhi ashk ban ke rawaan hui kabhi dard ban ke dabi rahi

Shah-eؐ deen ke fikr o nigah se mite nasl wa rang ke tafaruqe

Na raha tafakhar-e mansabi, na ra'unat-e nasabi rahi

Sar-e dasht-e zeest baras gaya, jo sahaab-e rehmat-e Mustafaؐ

Na khird ki be samri rahi, na junoon ki tashna labi rahi

Thi hazaar teergai fitan, na bhatak saka mera fikr o fan

Meri ka'inaat-e khayaal par nazar-e shah-eؐ Arabi rahi

Wo safa ka mehr muneer hai talab us ki noor-e zameer hai

Yahi rozgaar-e faqeer hai, yahi iltijaaye shabi rahi

Wohi sa'aten thin suroor ki, wohi din the haasil-e zindagi

Ba hazoor-e Shaؐ fi Umattaan meri jin dino talabii rahi