Phir Karam Ho Gaya Main Madine Chala
Phir Karam Ho Gaya Main Madine Chala
Phir karam ho gaya main Madine chala
Main Madine chala main Madine chala
Kaif o masti ata mujh ko kar de Khuda
Mangta yeh dua main Madine chala
Ae shajar ae hijr tum bhi shams o qamar
Dekho dekho zara main Madine chala
Muskuranay lagi dil ki ek ek kali
Ghuncha-e-dil khila main Madine chala
Phir ijazat mili jab khabar yeh suni
Dil mera jhoom utha main Madine chala
Wo Uhad ki zameen jis ke andar makin
Mere Hamza piya main Madine chala
Jo hain mahboob Rab apni un se hi sab
Bakhshwane khata main Madine chala
Un ke meenar par jab pare gi nazar
Kya suroor aayega main Madine chala
Haath ut'te rahe, mujh ko dete rahe
Wo talab ke siwa main Madine chala
Kya kare ga idhar, bandh rakhth-e-safar
Chal Ubaid-e-Raza main Madine chala