Phir Aanay Lagein Sheher E Mohabbat Ki Hawaein

Phir aanay lagein sheher e mohabbat ki hawaein

Phir paish o nazar ho gayin jannat ki fazaen

Ae qaflay walo, kahin woh gumbad e khizra

Phir aaye nazar hum ko keh tum ko bhi dikhayein

Haath aaye agar khaak tere naqsh e qadam ki

Sar par kabhi rakhein, kabhi aankhon se lagayein

Nazzara farozi ki ajab shaan hai paida

Yeh shakl o shamail yeh abaayein yeh qabaayein

Karte hain azeezan e madina ki jo khidmat

Hasrat unhein dete hain woh sab dil duaayein